Maamulka madaxwayne Biden ayaa shaaca ka qaaday in ay isku dayayeen in ay xiriir la sameeyaan Kuuriyada Waqooyi tan iyo bishii February, balse aysan wax jawaab ah ka helin.

Sargaalka sare oo ka tirsan maamulka madaxwayne Biden ayaa warbaahinta u sheegay in aqalka cad uu isku dayay in uu qaabab kala duwan xiriir ula sameeyo Pyongyang si loo dajiyo halista ah in xiisadda labada dhinac ay sii korodho.

Madaxwayne Biden ayaa la filayaa in toddobaadyada soo socda uu soo saaro faahfaahin ku aadan siyaasadaha uu kula dhaqmi doono Kuuriyada Waqooyi.

Bishii January, hogaamiyaha Kuuriyada Waqooyi Kim Jong-un ayaa sheegay in Mareykanka ay yihiin cadowga ugu wayn ee uu dalkiisa leeyahay.

Hogaamiyaha ayaa balllanqaaday in uusii kordhin doono awoodaha niyukleerka iyo midda militari ee dalkiisa.

Madaxwaynihii hore ee Mareykanka Donold Trump ayaa intii uu xilka hayay waxaa labo mar uu kulamo taariikhi ah la yeeshay hogaamiyaha Kuuriyada Waqooyi.

 

Xafiiska Wararka Qaranimo Online

Office Nairobi Kenya

 

LEAVE A REPLY

Please enter your comment!
Please enter your name here