Wararka laga helaayo deegaanada Maamulka Puntland ayaa sheegaya in laba maleeshiyo beeleed ku dagaalameen deegaan lagu magacaabo Roox oo ka tirsan Gobolka Mudug iyagoona isu adeegsaday hubka nuucyadiisa kala duwan.
Wararka ayaa tilmaamaya in dagaalka labada Maleeshiyo beeleed sababay khasaare dhimasho iyo dhaawacba leh xili dhinac kasana uu helayay gurmad.
Sidoo kale wararka ayaa intaasi ku daraya in Maamulka Puntland uu ciidamo u direy kuwaasoo kala dhex galay labada maleeshiyo Beeleed, waxaana xaaladu ku soo laabatay deganaansho walow wali aan gogol loo dhigin dhinacyada si heshiis rasmi ah iyo xabad joojin loo kala saxiixdo.
Ciidamo Daraawiishta Puntland ee ku baxay deegaanka Roox ee maleeshiyaadku isku hayeen waxaa hoggaaminaya Gen.Xanaano kaasoo isaga iyo ciidamada uu watayba ay ka baxeen Magaalada Garoowe ee Xarunta Maamulka Puntland.
XAFIISKA WARARKA SIYAASADA
DAYNIILE.COM
