BOOSAASO (DAYNIILE.COM)-War ka soo baxay Maamulka Puntland ayaa eedeyn culus waxay dusha ka saareen Wasiirkii hore ee Amniga Puntland C/samad Gallan balse hada ah La-taliyaha Madaxweynaha Somalia Xassan Sheekh inuu xiriri la leeyahay dagaalamayaasha Daacish ee buuraha Cal-miskaad kula dagaalamaya ciidamada Puntland.
Warkaan oo si gaar ah uga soo baxay Hey’adda PMPF ee Puntland ayaa sidoo kale waxay ku eedeeyeen masuulkaani Vila Somalia ka tirsan inuu isagu ka danbeeyo Daacish-ta ku sugan buuraha Cal-miskaad kuwaasoo dagaalo culus ay maalin kasta dhexmaraan daraawiishta Puntland.
Lama yaqaan sida C/samad Gallan oo ku sugan Muqdisho uu dagaalamayaasha Daacish ku geyn karo buuraha Calmiskaad.
PMPF waa ciidamo puntland u qaabilsan inay ilaaliyaan xeebaha Somalia gaar ahaan dhanka Puntland mana jirto cadeyn rasmi ah oo ay lhada soo bandhigeen marka la eego eedeymahaan culus oo ay Villa Somalia ku jiheeyeen gaar ahaan masuulkaasi ka soo jeeda deegaanada Puntland hadana ah la taliyaha Madaxweyne Xassan.
XAFIISKA WARARKA SIYAASADA
DAYNIILE.COM
