LAAS-CAAOOD (DAYNIILE.COM)-Dawlad Goboleedka cusub ee Waqooyi Bari Soomaaliya ayaa warsaxaafadeed ka soo saaray dilkii duqeynta diyaaradeed ahaa ee dhawaan loo geystay Nabadoonkii Gobolka Sanaag Rabi ha u naxariistee Cabdullaahi Cumar Cabdi.
Maamulka wuxuu ugu horeyn si kulul u cambaareeyay dilkaasi oo ay fulisay diyaarad dagaal oo aan wali la aqoonsan dalka iska leh,balse maamlku baaritaan ku sameyn doono,sidoo kale warka maamulka waxaa lagu xusay inay ehalka dhaw ee marxuumka uga tacsiyeynayaan geerida Nabdoonka.
Warka ka soo baxay Maamulka Waqooyi waxaa sidoo kale loogu baaqay Dowlada inay qaadato doorkeeda ilaalinta hawada islamarkaana ay la socoto dhaq dhaqaaqyada shisheeyuhu ka fulinayaan hawada Somalia.
“dilka loo geystay nabadoonka waa arrin dhaawac ku ah nabadda iyo xasiloonida shacabka Waqooyi Bari iyo guud ahaan shacabka Soomaliyeed.” ayaa lagu yiri warsaxaafadeedka
XAFIISKA WARARKA SIYAASADA
DAYNIILE.COM
