Wararka ka imaanaya Xafiiska Maareeyaha Dekada Muqdisho Amb Mohamed Ali Nuur Americo ayaa sheegaya in uu halkaas kulan kula yeeshay, Taliyaha Cusub ee Saldhigga Boliiska Dekadda Muqdisho, G/Sare Axmed Qadar Maxamed
Wararka ka imaanaya kulankaas ayaa sheegaya in kulan kaas looga hadlay xaalada Dekada iyo shaqada Culus ee taala Halkaas, waxa uuna Maareeyaha Dekada Muqdisho Amb Mohamed Ali Nuur Americo kula dardaarmay Taliyaha in uu Guto waajibaadka Qaran.
“Waxaan maanta kulan soo dhaweyn iyo dardaaran ah la qaatay Taliyaha Cusub ee Saldhigga Boliiska Dekadda Muqdisho, G/Sare Axmed Qadar Maxamed. Kulanka waxaa goob-joog ka ahaa Maareeye ku xigeennada Dekadda,” ayuu yiri Maareeyaha Dekada Muqdisho Amb Mohamed Ali Nuur Americo .
Sidoo kale waxaana si wadajir ah looga hadlay xoojinta amniga, wada-shaqaynta, iyo u adeegidda bulshada.
Waxaan u rajeeyey taliyaha cusub guul iyo shaqo hufan, anigoo ku adkeeyey muhiimadda nabadgelyada dekeddu u leedahay dalka.
Cabdixakiin Cilmi Xasan Nairobi
