Muqdiaho, Janaayo 10, 2024: Madaxweynaha Jamhuuriyadda Federaalka Soomaaliya Mudane Dr. Xasan Sheekh Maxamuud oo maanta booqday xarunta Wasaaradda Gaashaandhiga ayaa kulamo ku saabsan xoojinta amniga iyo xoreynta dalka kula qaatay qeybaha kala duwan ee Taliska Ciidanka Xoogga Dalka Soomaaliyeed iyo hogaanka Ciidanka Dıfaaca Dadweynaha ee Macawisleey.
Madaxweynaha ayaa Warbixin ka dhageystay Taliyaha Ciidamada Xoogga Dalka Soomaaliyeed Sarreeye Gaas Ibraahim Sheikh Muxudiin iyo Saraakiisha hoggaaminaya qeybaha kala duwan ee Talisyada Ciidamada oo guullo waxtar leh ka soo hooyay howlgalada dalka looga sifeynayo argagixisada naf lacaariga ah ee Al Shabaab.
Sidoo kale, Madaxweynaha Jamhuuriyadda Dr Xasan Sheekh ayaa la kulmay u Qaabilsanaha Arrimaha Ciidanka Dıfaaca Dadweynaha ee Macawisleey Mudane Cali Jeyte, waxaa uuna kala hadlay sidii loo mideyn lahaa howlgalada Ciidamada Xoogga dalka iyo Ciidamada Difaaca Dadweynaha, si loo dardargelin dagaalka dalka looga ciribtirayo Argagixisada Al shabaab.
Madaxweyne Xasan Sheekh oo ka duulaya xaqiijinta ahmiyadda loo mideeyay Ciidamada Difaaca Dadweynaha iyo Ciidanka Xoogga Dalka ayaa ku bogaadiyey U qaabilsanaha ka miro-dhalinta ujeedkii dowladda Federaalka ee ahaa in la gaaro hadaf mid ah si looga adkaado AL shabaab.
Madaxweyne Xasan Sheekh Maxamuud ayaa ku adkeeyey hoggaanka Talisk Ciidanka Xoogga Dalka iyo u qaabilsanaha Macaawisleeyda in ay xoojiyaan daddaallada naf hurnimada leh ee ay ku beegsanayaan cadowga ummadda Soomaaliyeed.
DHAMMAAD
Wixii faahfaahin ah, fadlan kala xiriir;
Abdikadir Ali Dige,
Xafiiska Warfaafinta & Xiriirka Warbaahinta,
Madaxtooyada Jamhuuriyadda Federaalka Soomaaliya
E-mail: media@presidency.gov.so.
May be an image of 7 peopleMay be an image of 7 peopleMay be an image of 6 peopleMay be an image of 11 peopleMay be an image of 9 people and textMay be an image of 9 peopleMay be an image of 9 people and textMay be an image of 5 peopleMay be an image of 2 people, dais, newsroom and textMay be an image of 6 people, dais, newsroom and textMay be an image of 1 person and textMay be an image of 4 people, television, newsroom, dais and textMay be an image of 3 people, newsroom, dais and text
Previous articleMadaxweyne Xasan oo qadka kula hadlay
Next articleSAWIRRO: Barakac ka bilowday xerooyinka qaxootiga iyo isbitaalda Gaza qaarkood

LEAVE A REPLY

Please enter your comment!
Please enter your name here