MUQDISHO (DAYNIIILE.COM)-Madaxweynaha Soomaaliya ayaa lagu wadaa inuu u safro saacadaha soo socda dalka Masar kadib markii uu casuumaad uu ka helay dhigiisa Dalkaasi.
Madaxweyne Xasan Sheekh Maxamuud ayaa Muqdisho dib ugu soo laabtay kadib safar laba maalmood ah oo uu ku tagay dalka Eritrea.
Madaxweyne Xasan ayaa dhigiisa Eritrea Isaias Afwerki kala hadlay arrimoku saabsan xiriirka labada waddan iyo kan Geeska Afrika sida lagu sheegay war ka soo baxay wasaarada warfaafinta Eritrea.
Sida ay sheegtay Idaacada VOA-da laanteeda afka Soomaalida war-saxaafadeedka ka soo baxay Wasaarada warffaafinta Eritrea waxaa kale oo lagu sheegay in labada hoggaamiye ay ku heshiiyeen inay si xooggan uga wada shaqeeyaan xiriirkooda iyo iskaashigooda iyo kuwa gobolkaba, saldhig looga dhigayo niyad dulqaad iyo wax dhisid ku salaysan, la iskana xamaymanayo ka jawaabista ajandayaasha kala duwan ee daandaansi, ayaa lagu yiri war-saxaafadeedkaas.
Dowlada Eritrea waxay balan qaaday inay soo saari doonto war ku saabsan arrimaha labada waddan ee ku cadaa wada-hadalada labada hogamiye.
XAFIISKA WARARKA
DAYNIILE.COM