ISTANBUL (DAYNIILE.COM)-Madaxweynaha Dowlada Faderaalka Soomaaliya Xasan Sheekh Maxamuud oo uu wehliyo Wasiirka Dekedaha Cabdulqaadir Maxamed Nuur ayaa maanta booqday xarunta Tignoolajiyada Turkiga.
Xaruntaan oo loo yaqaan Özdemir Bayraktar ayaa waxaa si weyn ugu soo dhaweeyay Guddoomiyaha xaruntaasi Selçuk Bayraktar.
Madaxweynaha ayaa booqday qeybaha xaruntaani isagoo gudoomiyaha ka dhageystay sida ay u shaqeyso iyo faa’iida ay u leedahay dadka iyo Dalka Turkey.
Booqashada maanta uu madaxweynaha Somaaliya ka soo muuqday gudaha Dalka Turkey ayaa ku soo aadeysa xili maalmihii ugu danbeysay madaxweynuhu qoyskiisa waqti kula qaadanayay dalkaasi taasoo muujineysa inuu shaqadii Dowladnimo dib ugu soo laabtay madaama uu maalmo ku qaatay inuu waqti la qaato qoyskiisa.
XAFIISKA WARARKA SIYAASADA
DAYNIILE.COM
