ADIS-ABABA (DAYNIILE.COM)-Madaxweynaha Soomaaliya Xasan Sheekh Maxamed ayaa gaaray Magaalada Addis Ababa ee xarunta Dalka Itoobiya halkaasoo si weyn loogu soo dhaweeyay garoonka diyaaradaha kadibna loo galbiyay madaxtooyada Itoobiya.
Madaxweyne Xassan ayaa u tagay Adis-ababa sida aan wararkeenii saaka idinku sheegnay ka qeybgalka shir 2-aad ee isbedelka cimilada Afrika oo ka furmaya xarunta Midowga Afrika.
Wasaarada arimaha dibada Itoobiya ayaa cadeysay in Madaxweynuhu shiirkaasi Afrika kaga qeybgalayo Adis-ababa xili sidoo kale dhawaan Itoobiya ay daah-fureyso mashruuca xiritaanka kanaalka wabiga Niil kaasoo ay si aad u adag uga soo hor jeedo Masar.
