GAROWE (DAYNIILE.COM)-Madaxweyne Xigeenka Maamulka Puntland Axmed Cusmaan Karaash ayaa weerar afka ah ku qaaday Madaxweynaha puntland Saciid C/llaahi Dani.
Wuxuu ku eedeeyay inuu yahay kaligii taliye aan ogoleyn inuu la tashto dadka wax galka u ah reer Puntland.
“Madaxweyne Saciid Dani wuxuu caadeystay keligii talisnimo iyo inuu awooda dowladda isku koobo kana dheeraado talooyinka dadka wax galka ah, taas oo natiijadeedu markasta kusoo dhammaato fashil”ayuu yiri ku yiri Axmed Karaash.qoraal uu soo dhigay bartiisa Facebook
Madaxweyne xigeenku wuxuu Saciid C/llaahi Dani uga digay qaadista talaabo aan heshiis lagu ahayn.
“Hadaba waxaan wax-garadka iyo qaybaha kala duwan ee bulshada reer Puntland u cadaynayaa in hadii uu qaado talaabo aan heshiis lagu ahayn taas oo taabanaysa Arrimaha Masiiriga ah uu qaadi doono cawaaqib xumada ay dhasho”ayuu mar kale ku yiri qoraalkiisa
XAFIISKA WARARKA
DAYNIILE.COM
