BOORAMA (DAYNIILE.COM)-Magaalada Boorama ee Xarunta Gobolka Awdal ee Maamulka Somaliland waxaa ka socday habeenkii labaad kacdoonkii shacabka ee rabshadaha watay kaasoo maanta sababay in ciidamada booliisku adeegsadaan rasaas nool nool, ayna ka dhashaan khasaare nafeed oo shacabka soo gaaray.
Wararkii ugu danbeeyay ayaa sheegaya in reer Boorame u muuqdaan inay caawa ku hooyanayaan iyadoo wali xiisadii taagan tahay islamarkaana wali Magaalada isku eryanayaan shacabka iyo ciidamada Booliiska.
Sidoo kale wararka ayaa tilmaamaya in dhimashada shacabka ay gaartay ilaa 5 ruux halka dhawaacyaduna 20 ku sii dhaw yihiin.
Isbitaalada waxa maanta buux dhaaiyay dhaawacyada iyo dadka booqanayay isbitaalada iyadoo saacadihii ugu danbeeyay uu hadlay Madaxweynaha Maamulka Somaliland C/raxmaan Cirro kaasoo sheegay in lala xisaabtami doono dadka ka danbeya dhibaatada shacabka soo gaartay.
XAFIISKA WARARKA SIYAASADA
DAYNIILE.COM
