Duleeedka Waqooyi ee Magaalada Kismaayo waxaa saacadihii ugu danbeeyay lagu gubay 5 kun raashin ah oo waqtigoodu dhamaaday markii ay bahalo galeen.
Munaasabada lagu gubaayay waxaa goob joog ka ahaa Wasiirka Ganacsiga iyo warshadaha Jubaland ,Gudoomiye xigeenka Magaalada Kismaayo iyo Gudoomiye xigeenka Shirkada taya dhowrka Jubaland.
Gudoomiye Xigeenka taya-dhowrka Maxamed axmed nuur oo ka hadlay ayaa daboolka ka qaaday in markii la is barbar dhigay tayada iyo raashinka waxaa la isku raacay in la gubo.
Maxamed Axmed Nuur wuxuu aad u amaanay ganacsatada reer Jubaland oo uu sheegay inay iyagu soo sheegeen raashinkaan in lala eego kadibna la arkay inuu halaabay.
“waxaa imaan doonta isla xisaabtan waxaan leeyahay Ganacsatada nin walbow taxadar ka muuji waxa aad dadkaada raashin ahaan ugu keeneysaan”ayuu yiri Gudoomiye xigeenka Taya-dhowrka
Sidoo kale Wasiirka Ganacsiga iyo warshadaha ayaa isna goobta ka hadlay wuxuuna shegay in raashinkaan Ganacsatadu keeneen Kismaayo isagoo fiican laakiin markii uu mudo ku jiray bakhaarada raashinka lagu keydiyo.
“raashinka waxaa galay bahalo markii uu mudo bkhaarada ku jirey sidaas daraaadeed meel fagaare ah ayaan ku gubnay”ayuu yiri Wasiirka Ganacsiga
XAFIISKA WARARKA
DAYNIIILE.COM