MUQDISHO (DAYNIILE.COM)-Agaasimaha Sirdoona Qaranka iyo Nabad sugida NISA Mahad Maxamed Salad ayaa kulamp siyaasi ah la qaatay sedex ka tirsan Mucaaradka kuwaasoo kala ah Madaxweyne hore Maxamed C/laahi Farmaajo,Ra’iisulwasaare hore Xasan Cali Khayre iyo Wasiir hore Xildhibaan C/raxmaan C/Shukuur Warsame.
Warar ku dhaw dhaw kulamadaan ayaa sheegaya in Mahad Maxamed Salaad kala hadlay Madaxda Mucaaaradka arimo ku saabsan amniga Caasimada.
Mahad Salaas wuxuu u xaqiijiyay madaxdaan inaaney jirin wax qorshe Dowladeed ah oo lagu weerarayo guryaha mucaaradka taasoo u muuqata inuu Mahad Salaad ku dejinaayo xiisada maalmihii ugu danbeeyay ka taagnaa Muqdiaho iyo hadal heynta ah in Dowlada iyo mucaarasku isku hub urur sanayaan.
Ma jirto war rasmi ah oo ka soo baxay madaxdaan kaasoo ay ku xaqiiniayaan kulankooda iyo waxa ay isla soo qaadeen.
XAFIISKA WARARKA SIYAASADA
DAYNIILE.COM
