XIGASHO LAACIB.NET
Halyeeygii hore ee Manchester United, Teddy Sheringham, ayaa aaminsan in kooxda ay kaliya lacag badan ku bixin doonto Cole Palmer haddii ay iibiso kabtankeeda Bruno Fernandes.
“Waxaan u maleynayaa in United ay kaliya jebin doonto bangiga si ay u hesho ciyaaryahan sida Palmer haddii ay iibiso Bruno Fernandes,” ayuu yiri.
Wuxuu sidoo kale sheegay in labada ciyaaryahan la wada safi karo haddii ay jiraan ciyaaryahanno khadka dhexe oo daafaca ka qeyb qaata:
“Waad wada ciyaarsiin kartaa labadooda haddii aad haysato khad dhexe oo adag oo gadaal taageera.”
Si kastaba, Sheringham ayaa muujiyay walaac ku saabsan dhaawacyada yar-yar ee Palmer:
“Markaad raadineyso ciyaaryahan heer sare ah oo Manchester United ah, waxaad rabtaa mid si joogto ah u ciyaara. Wuxuu la kulmay dhaawacyo yaryar sida suul iyo muruq, taasoo noqon karta dhibaato mustaqbalka.”
Palmer, oo 23 jir ah, ayaa si joogto ah loola xiriirinayay u wareegista Old Trafford, waxaana la sheegay inuu diyaar u yahay inuu ku biiro haddii fursaddu timaado.
XIGASHO LAACIB.NET
