BOOSAASO (DAYNIILE.COM)-Diyaaradaha aan duuliyaha lahayn ee Mareykanka ayaa saacadihii ugu danbeeyay waxay howlgal duqeyn ka fuliyeen buuraha Cal-miskaad Gobolka Bari ee Maamulka Puntland waxaana durba ka hadlay oo war ka soo saaray Taliska Ciidamada Maraykanka ee Qaaradda Afrika (AFRICOM).
Taliska Africom wuxuu saxaafada u sheegay inay duqeymaha ka gaysteen togga Baallade oo ka tirsan buuraha Cal-miskaad islamarkana ay la eegteen dagaalamayaal ka tirsan Daacish-ta halkaasi ka dagaalanta, Mareykanku ma bixin faah faahin intaasi ka badan waana qorshe u degsan inaysan shaacin hadiiba khasaare ay gaarsiiyeen Daacish.
Inkastoo dhowr bilood dagaal socday ay ciidamada Maamulka Puntland guulo badan ka gaareen weerarka ay ku qaadeen Kooxda Daacish islamarkaana deegaano badan ay ka saareen , dagaalamayaal badan ka dileen hadana waxaa muuqaneysa in wali Daacish dagaalameyso oo aan la soo afjarin waliba buuraha ay dhinac wali kaga sugan yihiin.
Warar ku dhaw dhaw Taliska ciidamada Daraawiishta Puntland ayaa sheegaya inay firxadka dacish ku dhuumaaleysanayaan aagag dhinaca Koonfur Bari ka xiga magaalada Boosaaso halkaasoo ay ku hareereysan yihiin ciidamada Puntland.
XAFIISKA WARARKA SIYAASADAÂ
DAYNIILE.COM
