Wasaarada Gaashaandhiga Dalka Mareykanka ayaa xaqiijisay inay Ciidamada Xoogga Dalka Somalia gaarsiiyeen agab Milateri sida hub kala duwan oo ay ku jiraan kuwa culus ,ciidamada la qalabeeyay ayaa la sheegay inay yihiin kuwa ku sugan Gobolka Shabeelaha dhexe.
Warbixinta looga hadlayay hubkaani la siiyay ciidamada Soomaaliya ayaa lagu muujiyay inay qeyb ka tahay iskaashiga labada dal ee dhanka ammaanka si loo wada xaqiijiyo ciribtirka kooxaha ka soo horjeeda dowladda ee khatarta ku ah jiritaanka Dowlada iyo guud ahaan amniga Somalia.
“Wasaaradda Gaashaandhigga iyo Taliyada Ciidanka Xoogga Dalka Soomaaliya waxay mar kale xaqiijiyeen in xubnaha argagixisadu aysan meel ku lahayn inay ka dhuuntaan gaarista Ciidanka Qaranka iyo saaxibbadooda Caalamiga ah” ayaa lagu yiri war ay shaacisay wasaarada Gaashaandhiga Mareykanka
Sidoo kale Wasaarada Gaashaandhiga Mareykanka waxay warkeeda ku sii dartay Waxaan sii wadi doonnaa ka hortagga iyo baabi’inta haraaga argagixisada.
“howlgalada ka dhanka ah argagixisaduna waxay socon doonaan ilaa nabad iyo xasillooni waarta laga xaqiijiyo guud ahaan dalka.” ayaa mar kale lagu yiri warka Wasaarada Gaashaandhiga Mareykanka
XAFIISKA WARARKA SIYAASADA
DAYNIILE.COM
