Mareykanka ayaa qabtay labo markab oo kuwa saliida qaada ah – markab “dal la’aan ah” oo lagu magacaabo Sophia iyo Marinera oo ka babanaya calanka Ruushka – sababo la xiriira xiriir la leh saliidda Venezuela ee la cunaqabateeyey.
Isagoo ka jawaabaya, Ruushku wuxuu ku eedeeyay Washington inay ku xad-gudbeen sharciga badda waxayna ku baaqeen in la sii daayo shaqaalaha markabka Marinera.
Madaxweynaha Mareykanka Donald Trump ayaa daaha ka qaaday qorshe ku aadan in Venezuela ay ku wareejineyso 30 milyan ilaa 50 milyan oo fuusto oo saliid ah, isagoo intaa ku daray in maamulkiisu uu ilaalin doono iibintiisa, lacagtaasna uu u adeegsan doono faa’iidada “dadka Venezuela iyo Mareykanka”.
Xoghayaha warfaafinta ee Aqalka Cad, Karoline Leavitt, ayaa sheegtay in go’aannada hoos yimaada xukuumadda madaxweynaha ku meel gaadhka ah ee Venezuela Delcy Rodriguez “ay sii socon doonaan in uu Maraykanku amar ku bixiyo”.
SOURCE ALJAZEERA
XAFIISKA WARARKA SIYAASADA
DAYNIILE.COM 
