ISTANBUL (DAYNIILE.COM)-Mas’uuliyiinta Turkiga ayaa sheegay in markab xamuul oo laga leeyahay Turkiga, kaas oo ay saarnaayeen 10 shaqaale ah, uu degay Arbacada manta ka dib markii uu ku dhacay markab kale oo shidaal (tanker) oo marayay meel u dhow Istanbul.
Agaasinka Guud ee Arrimaha Badda ayaa bayaan ku sheegay in la helay doon yar oo badbaado iyo qaybo ka mid ah haraadiga markabka *Tugberk Imamoglu*, balse aan la hayn wax raad ah oo ku saabsan shaqaalihii saarnaa.
“Waxaa saarnaa 10 shaqaale ah, oo uu ku jiro kabtanka markabka,” ayuu yiri Wasiirka Gaadiidka Abdulkadir Uraloglu. “Dhammaantood waa dad u dhashay Turkiga. Waxaan dhihi karnaa markabku wuxuu degay si degdeg ah, muddo 11 daqiiqo gudahood ah. Cidna lagama helin iyagoo nool.”
Laba diyaaradood oo nooca qumaatiga u kaca ah (helicopter) iyo 12 markab oo loogu talagalay hawlaha raadinta iyo badbaadinta ayaa ka wada hawlgalaya aaggaas.
Bayaanka ayaa lagu sheegay in markabku uu ku dhacay markabka shidaalka ee *Alsu* — kaas oo sita calanka Turkiga — Badda Marmara saacadu markay ahayd 3-dii subaxnimo. Waxaa la helay calaamad degdeg ah (emergency signal) oo ka timid markabka *Tugberk Imamoglu*, iyadoo markabkii ugu horreeyay ee badbaadinta uu goobta gaaray saacadu markay ahayd 4:10 subaxnimo.
Markabkan, oo siday bir duuban (rolled steel), ayaa ku dhacay markabka *Alsu* meel qiyaastii 20 mayl (32 kiiloomitir) u jirta dhanka koonfureed ee Silivri, oo ah xaafad ku taal galbeedka magaalada ugu weyn Turkiga.
SOURCE APÂ (ASSOCIATED PRESS)
XAFIISKA WARARKA SIYAASADA
DAYNIILE.COM
