NAIROBI (DAYNIILE.COM)-Qaar ka mida dhalinyarada Beesha Isaaq ee Dir ayaa shir ku yeeshay Magaalada Nairobi waxay kaga codsadeen Dowlada Kenya in reerkooda la siiyo aqoonsi ay kaga mid noqon karaan beelaha soomaaliyeed ee xuquuqda ku leh dowlada Kenya.
Dhalinyarada Beesha Isaaq oo la hadlay telefishanka KTN waxay ka cabteen takoor lagu hayo sida ay warka u dhigeen madaama aysan wax xuquuq ah ku lahayn Kenya sida xilalka dalkaasi sida beelaha kale ee Soomaaliyeed qaarkood xuquuda u leeyihiin.
Waxay dalbadeen in Dowlada Kenya siiso aqoonsi beesha isaaq si ay dhankooda wixii hada ka danbeeya uga mid nooqdaan Beelaha Soomaaliyeed ee Dowlada Kenya xilalka ka haya.
Warka ka soo baxay dhalinyarada iyo waxgaradka Beesha Isaaq ayaa ku soo aadaya xili qaar ka mid ah Beelaha Soomaaliyeed ay in muddo ahba ka mid yihiin dadka awood qeybiga ku leh Kenya marka la eego xilalka dalkaasi haday amniga tahay haday siyaasada tahay walow beelahaasi yihiin kuwo u dhashay dhulka waqooyi Beri Kenya ee aysan ahayn kuwo meelo kale ka yimid.
Ma jirto cid Dowlada Kenya ka tirsan oo u jawaabtay dhalinyarada beesha Isaaq ee dalbanaysa inay xuquuq ku yeeshaan Dowladnimada Kenya si la mid ah beelaha kale ee Soomaaliyeed.
XAFIISKA WARARKA
DAYNIILE.COM
DAYNIILE.COM
