BAYDHABA (DAYNIIILE.COM)-Maxkamadda ciidamada qalabka sida Dowlada Somalia Qaybteeda 60-aad ee fadhigeedu yahay Magaalada Baydhaba ayaa maanta xukun dil iyo xabsi dheer ku kala ridday laba askar oo ka tirsanaa Daraawiishta Koonfur Galbeed.
Maxkamada waxay dil ku xukuntaty eedeysane Dable Muxudiin Cali C/llaahi oo hore u dilay ardey 17 jir ahaa Marxuum Maxamed Nuur Salaad Xasan.
Sidoo kale Maxkamada waxay 10 sano oo xariga ku xukuntay Dalbe Shuceyb Xasan Mustaf oo dhac gaystay iyo inuu mago hanidii uu dhacay.
Gudoomiyaha Maxkamada Ciidamada qalabka sida qeybta 60-aad ayaa xukunka ku dhawaaqay isagoona sheegay inay u cuskadeen aayadaha quraanka.
Isla Maanta ayaana xukunka dilka ah lagu fuliyay gacan ku dhiiglaha muxudiin Cali C/llaahi madaama uu dilay ardey iskuuleey ahaa oo aad u da’yaraa sida maxkamadu sheegtay.
Tiirka ayaa la geeyay waxaana lagu fuliyay xukunka qisaasa ahaa iyadoo ciidamada Maxkamada ay markiisa dhimasho ku ciqaabeen iyadoo la wada daawanayo.
XAFIISKA WARARKA
DAYNIIILE.COM
