Maxkamadda Ciidamada Qalabka Sida ayaa saakay xukun dil ah oo lagu xukumay ku fulisay saddex ruux oo lasoo shaqeeyay Dowladda Federaalka oo ku eedeysan in ay ‘AS’ u fududeeyeen Dilal & Qaraxyo waa sida xukunkooda loo cuksaday.
Dowladda Federaalka ayaa mid weliba gaarkiisa u gudbisay muuqaal laga duubay iyo qiraal uu ku sameeyay kiisaska lagu soo eedeeyay ee ugu dambeyn loo cuksaday xukunka dilka ah ee maanta lagu fuliyay.
Saddexdaan ruux ayaa kala ah:
1-Maxamed Cabdulle Abkow Cumar (Biyamaalow).
2-Shariif Maxamed Barqadle Ayaanle (Jeego).
3- Maxamed Cabdi Nuur Jiirow (Dhaqtar Fanax).
Mid weliba oo kamid ah saddexdaan ruux waxa uu lugaha la galay kiis gaar ah oo Dil & Qarax ah oo uu fududeeyay sida ka muuqata qirashada ay sameeyeen, Maxkamadda Ciidamada Qalabka sida ayaa xukunkooda u tiigsatay arrintaas.
Maalmihii u dambeeyay waxaa kordhay fulinta kiisaska toogashada ah kaddib markii Maxkamadda Ciidamada Qalabka sida si isdaba-joog ah ay u qaadday kiis dacwadeedka loo heysto Dadkaan dambiyada kala duwan geystay.
Dadka la toogtay todobaadyadii u dambeeyay waxa ay isugu jireen Askar Dilal dhexdooda isu geysatay, kuwa nafta dhaafiyay dad rayid ah, Saraakiil fududeysay Dilal & Qaraxyo, Xubno katirsan Daacish & ‘AS’.
