XIGASHO LAACIB.NET
Real Madrid ayaa 3-0 kaga adkaatay Real Oviedo kulan ka dhacay Carlos Tartiere Stadium 24-kii August 2025, balse guushaasi waxaa hadheeyay muran ka dhashay Vinicius Jr iyo garsooraha ciyaarta Ricardo de Burgos Bengoetxea.
Sida ay wax u dhacee
Vinicius, oo beddel kusoo galay daqiiqaddii 63-aad, wuxuu si degdeg ah saameyn ugu yeeshay ciyaarta:
Wuxuu kasoo dafay kubadda bartamaha garoonka ka hor inta uusan caawin goolkii labaad ee Mbappé.
Wuxuu isna dhaliyay goolka saddexaad (93’) si uu usoo af-jaro guusha Madrid.
Laakiin mar uu ku dabaaldegayay taageerayaasha Oviedo hortooda, xaaladda cirka ayey isku shareertay:
Taageerayaashu waxay bilaabeen inay cay iyo aflagaaddo u miisaan, qaarna xitaa waxay ku qeylinayeen “Geerida Vinicius” iyaga oo waliba dhalooyin garoonka ku soo tuuray.
Garsooraha De Burgos wuxuu ku amray Vinicius inuu ka dhaqaaqo dhinaca taageerayaasha ee garoonka, taas oo ka careysiisay weeraryahanka reer Brazil.
Xiisad horey u jirtay:
Vinicius waxaa hore loogu taagay jaale ciyaarta dhexdeeda markii lagu eedeeyay inuu is-tuuray si uu rigoore u helo, taas oo sii hurisay cadhada taageerayaasha Oviedo.
Xabi Alonso iyo Madrid:
Inkasta oo murankan dhacay, Real Madrid ayaa sii wadata bilowgeeda wanaagsan ee La Liga iyadoo laba guulood helay, Mbappé-na uu labo gool ku hogaamiyay kooxda.
XIGASHO LAACIB.NET
