Michael Carrick oo shaaciyay cidda ka dambaysa guushii waynayd ee ay Kooxdiisa ka gaartay City

Michael Carrick ayaa muujiyay dareen ku faanid leh ka dib markii uu ku hoggaamiyay Manchester United guul weyn oo 2-0 ah oo ay ka gaareen kooxda ay xafiiltamaan ee Manchester City, isagoo ku tilmaamay qaab ciyaareedka ay wiilashiisu soo bandhigeen mid “ay ku farxi karaan”.

Isagoo ka hadlayay guusha muhiimka ah ee uu ka helay Pep Guardiola, Carrick ayaa yiri: “Ma doonayo inaan wax badan ka sheego Pep, waa tababare cajiib ah, kooxdiisuna waa mid aad u wanaagsan. Ma ahan shaqadayda inaan si fagaare ah u falanqeeyo dhibaatadooda.”

Wuxuu intaas ku daray: “Waxaan rabnay inaan ku ciyaarno awooddeena. Labada wiil ee garabka ka ciyaarayay, Amad iyo Dorgu, waxay ahaayeen kuwo cajiib ah dhinac kasta (weerar iyo difaac). Mbeumo iyo Bruno sidoo kale, halka Cunha uu soo galay oo uu isbedel sameeyay, Mount-na wuxuu ku dhowaaday inuu gool dhaliyo. Wax walba waxay u dhaceen sidii aan rajaynaynay.”