Cabdi, ayaa ka qeyb galay munaasabadda lagu soo bandhigayay dhamaystirka dayactirka iyo dib u habeynta Xerada Tababarka General Dhagabadan, taas oo qayb ka ah mashruuca taageerada SNA 3 ee uu maalgeliyo Sanduuqa Nabadda ee Midowga Yurub (EPF).
Munaasabadda waxaa goob joog ka ahaa Safiirka Midowga Yurub ee Soomaaliya, Marwo Francesca Di Mauro, saraakiil ka tirsan Ciidanka Xoogga Dalka Soomaaliyeed, wakiillo ka socday UNOPS, iyo wafdi ka socda Midowga Yurub iyo Wasaaradda Gaashaandhigga.
Intii lagu guda jiray munaasabadda, waxaa sidoo kale Wasaaradda Gaashaandhigga lagu wareejiyay gaadiid iyo agab ciidan, kuwaas oo loogu talagalay in lagu xoojiyo howlaha iyo tababarrada Ciidanka Xoogga Dalka, taas oo qayb ka ah dadaallada joogtada ah ee lagu tayeynayo xirfadda iyo awoodda ciidamada qaranka.
