Waxaa soo kordhaya dalalka,Hay’adaha iyo ururada caalamiga ah ee taageerada u muujinaya doorashadii shalay ka qabsoontay Magaalada Muqdisho 57 sano kadib taasoo ahayd taariikh wanaagsan oo laakiin soo daahday.
Midowga Yurub ayaa war soo saaray wuxuu si weyn ugu Hambalyeeyay Soomaalida iyahoona soo dhoweeyey Doorashada Golaja Deegaanka ee Gobolka Banaadir kaasoo shalay shacabku codkooda ka dhiibteen inta badan Degmooyinka Magaalada Muqdisho markii Dowladu ay dhigtay sanaadiiqda codadka.
Midowga Yurub waxay warkooda ku sheegeen inay dhiirrigelinayaan tallaabo kasta oo awoodda dib loogu celinayo shacabka.
Sidoo kale waxay soo hadal qaadeen in Dowlada looga baahan yahay inay wada-hadal la yeelato mucaaradka madaama la ogyahay inuu jiro kala aragti duwaanaanshaha doorashada ee labada dhinac xili ay diideen mucaaradku inay aqoonsadaan doorashada iyagoo ku tilmaamay mid hal dhinac uu wato.
XAFIISKA WARARKA SIYAASADA
DAYNIILE.COM
