XIGASHO LAACIB.NET
Tababaraha Arsenal, Mikel Arteta, ayaa soo bandhigay warbixintii ugu dambeysay ee dhaawacyada afar ka mid ah ciyaartoydiisa ka hor kulanka Premier League ee ay Brentford ku martigelin doonaan habeenka arbacada.
Ciyaartoyda uu ka hadlay waa:
Kai Havertz, William Saliba, Gabriel Magalhães iyo Leandro Trossard.
Arsenal ayaa kulanka soo galaysa iyadoo 1-1 la gashay Chelsea kulankii ugu dambeeyay.
Arteta oo la hadlay saxaafadda ayaa yiri:
“Kai Havertz weli wuxuu maqnaan karaa toddobaadyo. Waxa aan ugu baahannahay si degdeg ah. Waa ciyaaryahan aan aad u jeclahay shaqadiisa, dabeecaddiisa, iyo waxa uu kooxda u keeno. Waan arkaa isaga oo dhiban inuu bannaanka ka joogo.”
“Gabriel Magalhães si fiican ayuu u soo kabanayaa, balse sidoo kale toddobaadyo ayay qaadan doontaa inta uu soo laabanayo.”
“William Saliba iyo Leandro Trossard, waxaan rajaynaynaa in maalmo gudahood ay diyaar noqdaan.”
“Dhaawaca Saliba waa mid aad u yaab leh… balse waxaan rajaynaynaa inuusan muddo dheer maqnaan.”
XIGASHO LAACIB.NET
