XIGASHO LAACIB.NET
Xiddiga Masaarida ah ee Mohamed Salah ayaa noqday ciyaaryahanka leh ka-qaybgalka goolasha ugu badan ee hal koox taariikhda Premier League-ga, kadib markii uu ku lug yeeshay 277 k gool isagoo la jooga Liverpool, taasoo ka sarreysa rikoorkii Wayne Rooney oo lahaa 276 ka-qaybgal gool isagoo u ciyaarayay Manchester United.
Tani waxay timid kadib markii Salah uu sameeyay caawinta goolka labaad ee Liverpool kulankii ay la ciyaarayeen Brighton, ciyaar ka dhacday garoonka Anfield, kana tirsan wareegga 16-aad ee Premier League-ga.
Salah ayaa beddel kusoo galay qeybtii hore ee ciyaarta kadib dhaawac soo gaaray Joe Gomez, wuxuuna isla markiiba saameyn ku yeeshay ciyaarta, isagoo mar kale caddeeyay qiimihiisa go’aaminta natiijooyinka Liverpool.
Waxaa xusid mudan in Salah uu Premier League-ga saftay 301 kulan isagoo la jooga Liverpool, kuwaas oo uu ku dhaliyay 188 gool islamarkaana uu ku bixiyay 89 caawin (assists).
XIGASHO LAACIB.NET
