MUQDISJO (DAYNIILE.COM)-Waxaa goor dhaw la soo gabagabeeyay munaasabadii lagu shaacinayay heshiiska la gaaray ee ah in banaanbixii dib loo dhigay mudo sagaal maalmood ah.
Dhanka dhax dhaxaadiyayaasha waxaa hogaaminayay Imaamka iyo Ugaaska Muddulood waxaana kula jiray xildhibaano iyo Ganacaato kuwaasoo dhamaantood galabta ilaa caawa saq dhexe u taagnaa sidii ay xiisada dagaal u xalin lahaayeen madaama banaan buxu keeni karo isku dhac hubeysan wayna ku guuleysteen.
Munaasabada Caawa waxaa dhanka mucaaradka fadhiyay inta badan Madaxda sida Shariif Sh.Axmed Xassan Cali Kheyre ,Cabdi Faarax shirdoon Saacid, Maxamed Xuseen Rooble iyo Wasiir Carab.
Madasha Samatabixinta waxay cadeeyeen inay aqbaleen soo jeedinta ka dhalatay dadaaladaas ee lagu baajiyay bannaan bixii berri dhici lahaa.
Labada dhinac waxay shirkaan ama munaasabada ka cadeeyeen in bannaan baxu yahay mid dastuuri ah muddo 9 maalmood gudahood wixii farsamo ah looga shaqeeyo bannaan baxaas goobta iyo goorta uu dhici doono, si nabad ah oo dowladdu amnigeeda sugeyso uu u dhaco.
Guud ahaan Shacabka reer Muqdisho ayaa caawa niyad sami ku seexanaha madaama cabsidii meesha ay ka baxday Xalna la gaaray.
Faah-faahinta shirka iyo hadalada dhinacyada halkaan hoose ka daawo:-
XAFIISKA WARARKA SIYAASADA
DAYNIILE.COM
