MUQDISHO (DAYNIILE.COM)-Xildhibaan Xassan Firinbi oo magaalada Muqdisho kula hadlayay warbaahinta ayaa eedeyn ba’an u jeediyay Madaxweynaha Soomaaliya Xassan Sheekh Maxamuud.
Xasan Firinbi wuxuu Madaxweyne Xassan ku eedeeyay inuu sabab u yahay burbur-ka ciidamada macawisleyda sidoo kale wuxuu sheegay inuu noqon rabo madaxweynihii ugu horeeyay ee Soomaali ah 1960-kii kadib oo qabsada doorasho uu isagu wato.
Firinbi mar uu ka hadlayay xaalada Magaalada Balad-xaawo oo Dowladu ka taliso ayuu ugu baaqay Madaxweynaha Jubaland inuu amar siiyo ciidamada maamulkiisa si ay u laayaan oo u soo afjaraan jiritaanka ciidamada Dowlada ee ku sugan Magaalada Balad-xaaawo.
“Axmed Madoobe waxaan leeyahay dagaal qaad, oo fasax ciidanka , Gedo ha soo afjareen sidii ay Raaskaanbooni u soo afjareen”ayuu yiri Xildhiban Firinbi
Mudanahaan oo ka tirsan Baarlmaanka Soomaaliya ayaa ku eedeeyay Madaxweyne Xassan in laa dhaxlay,Somaliland oo la leeyahay waa la aqoonsan rabaa,Dowlad Goboleedyada oo kala tagay, macwisley oo sii baaba’eysa.
“Madaxweyne Xassan waxaan leeyahay dadka soomaaliyeed inta hartay hakala dirina waxaa kula dar daarmayaa”ayuu yiri Xildhibaanka
XAFIISKA WARARKA SIYAASADA
DAYNIILE.COM
