LAASCAANOOD (DAYNIILE.COM)-Musharaxa Madaxweynaha Dowlad Goboleedka Waqooyi Bari Somalia Jamaal Maxamed Xasan oo ka mid ah kuwa ugu cad cad uguna caansan ee u tartamaya xilkaan ayaa maanta qaaday talaabadiisii ugu wanaagsaneyd ee dhanka u ol-oleynta xil raadintiisa tan iyo markii la doortay Gudoonka Baarlamaanka maalin ka hor.Musharax Jamaal ayaa maanta si gaar ah ula fadhiistay Xildhibaanada reerkiisa Warsangeli ee kuwaasoo laga soo doortay Gobolada Sanaag iyo Heyland xili maalmo ay naga xigto doorashada Madaxweynaha Maamulka Waqooyi Bari
Musharaxa ayaa sheegay inuu kala hadlay xildhibaanada uu la kulmay sidii ay isaga warsan lahaayeen mar xalada doorashada ee dhawaan la galayo.
“waxaan si gaar ah uga hadalnay fursadaha, iyo caqabadaha ku geedaaman guud ahaan deegaannada Waqooyi Bari, gaar ahaanna Gobolada Sanaag iyo Haylaan”ayuu yiri Danjire Jamaal
Musharaxa wuxuu sidoo kale sheegay inuu kula dar-daarmay inay wax walba ka horumariyaan midnimada iyo wadajirka shacabka iyo siyaasiyiinta Maamulka Waqooyi Bari ee Soomaaliya.
XAFIISKA WARARKA SIYAASADA
DAYNIILE.COM
DAYNIILE.COM
