War ka soo baxay Safaarada Turkey ku leedahay Muqdisho ayaa si cad logu sheegay inuu qaabilay Madaxweynaha Somalia Xasan Sheekh Maxamuud islamarkaana ay ka wada hadleen xiriirka labada dal.
“ Waxaa si sharaf leh noo qaabilay Madaxweynaha Jamhuuriyadda Federaalka Soomaaliya Mudane Xasan Sheekh Maxamuud. Intii uu socday kulanka, waxaan mar kale adkaynay taageeradeena joogtada ah ee ku aaddan midnimada iyo wadajirka Soomaaliya, ilaalinta madaxbannaanideeda, amnigeeda iyo barwaaqadeeda. Waxaan si mug leh uga mahadcelineynaa Madaxweynaha soo dhoweyntiisa iyo martigelintiisa diirran”ayaa lagu yiri warka ka soo baxay safaarada Turkey
Dhanka Villa Somalia ma jirto wax war ah oo lagu cadeynayo kulankaan iyo waxa ay ka wada hadleen safiirka Turkey u fadhiya Muqdisho iyo Madaxweyne Xassan.
