BALAD-XAAWO (DAYNIILE.COM)-Wararka laga helaayo Magaalada Balad-xaawo ee Gobolka Geddo ayaa sheegaya in xalay kooxo hubeysani magaaladaasi ku dileen Nabadoon laga yaqaanay halkaasi.
Nabadoonka waxaa lagu magacaabi jirey Aadan Maxamudu Buur-dhuubo oo caan ka ahaa Gobolka gaar ahaan Magaalada Balad-xaawo.
Hay’adaha amniga ee Dowlada Somalia wali kama hadlin dilka Nabadoonkaani loo geystay , mana jirto cid ay u soo qabteen balse kaliya ay wadaan dhaq dhaqaaqyo ay ku baadi-goobayaan kooxihii ka danbeeyay dilka Nabadoonka Rabi ha u naxariistee.
Lama yaqaan ujeedka dilkaan iyo cida ka danbeysa intaba balse Xaalada Amaanka Balad-xaawo ayaa aad u wanaagsan waxaana gacanta ku haya ciidamada Dowlada Faderaalka Soomaaliya.
XAFIISKA WARARKA SIYAASADA
DAYNIILE.COM
