MUQDISHO (DAYNIIIILE.COM)-War ka soo baxay Taliska Booliiska Soomaaliya ayaa lagu shaaciyay in Hay’adaha amnigu qabteen galabta nin gacan ku dhiigle ah oo dil gaystay.
Ninkaan ayaa gowracay wiil uu adeer u yahay, waxaa gacanta ku soo dhigay Ciidanka Booliiska Saldhiga Degmada xmar-Jajab ee Gobolka Banaadir.
Falkaan oo ah mid laga argagaxo ayaa dhacay qorax dhicii galabta saacaduna ku abaarneyd Abaaro 5:40pm, waxa uuna ka dhacay isla Degmada Xamar-jajab.
Wararku waxay intaasi ku darayaan in Wiilka la dilay uu ahaan jiray 8 sanno jir kaasoo ugu danbeyn ku baxay gacanta adeerkiis waana fal dadku ka naxeen.
Si kastaba Taliska Booliiska Gobolka Banaadir ayaa hada gacanta ku haya eedeysanaha iyo kiiskiisa waxaana ;lagu wadaa inay talaabooyin sharci qaadi donaan marka baaritaanado soo dhamaadaan.
XAFIISKA WARARKA
DAYNIIILE.COM
