Kooxda heysata horyaalka talyaaniga ayaa u soo gudubtay wareega 8-da ee tartanka kooxaha Yurub ka dib markii ay xalay barbaro goolal la’aan ah galeen.
Kooxda Spurs oo ku faaneysa tayada weerarka Harry Kane, Dejan Kulusevski iyo Son Heung-min ayaa 90kii daqiiqo kaliya labo darbo ku tuuray goolka iyadoo Milan ay si raaxo leh u sii heysatay hogaanka hal gool ah ee lugtii hore.
Ciyaaryahankii hore ee Arsenal iyo Chelsea, Giroud ayaa soo dhawayn cadaawad ah kala kulmay jamaahiirta martida loo ahaa taas oo guusha ka dhigtay mid u macaan weeraryahankii hore.
Giroud oo la waydiiyay Thierry Henry sida ay guushani isaga uga dhigan tahay, Giroud waxa uu u sheegay CBS Sports: “Wax badan ayay aniga ila tahay, waxa aan halkan kala kulmay soo dhawayn diiran oo ay igu qaabileen taageerayaasha, laakiin sidii Gunner-kii hore, had iyo jeer waxa ay dareemi doontaa wanaag in aan halkaas ku badiyo Tottenham.
“Waxay ahayd jawi aad u fiican, waxaana ku aragnay Tifosi-ka Milano waxa ay ahayd mid cajiib ah, had iyo jeer aad ayay u fiican tahay in la dareemo habeenkaas, habeenka Champions Leauge.
“Ku dhawaad 37 sano jir waxaan had iyo jeer ku raaxeeyaa farxad badan inaan ku raaxaysto habeenka noocan oo kale ah aniga waxay ii ahayd habeen gaar ah. Waxaan jeclaan lahaa inaan gool dhaliyo laakiin ilaa inta aan ka gudubno waa waxa iigu muhiimsan aniga.’
Dhanka kale, maamulaha Milan, Stefano Pioli, ayaa ammaanay dadaalkii wacnaa ee ay sameeyeen kooxdooda taasoo niyad jabisay kooxda ka soo horjeeday oo uu casaanka ka qaatay Cristian Romero.
Waxa uu yiri: ‘Waxaan u baahanahay in aan qaadno hal tilaabo. Waxa ay ahayd marka hore in aan ka gudubno heerka Group-yada iyo horumarkii xilli ciyaareedkii hore, hadda waxa aan sugaynaa isku aadka oo aan aragno waxa dhaca.
“Waxaan ku lamaaneyn doonaa koox weyn, laakiin Tottenham sidoo kale waa koox weyn, mar walbana waxaan dhihi karnaa
