XIGASHO LAACIB.NET
Xiddiga xulka France iyo kooxda Paris Saint-Germain, Ousmane Dembélé, ayaa shaaca ka qaaday cidda uu u arko GOAT-ka (cayaaryahanka ugu fiican abid) kubadda cagta, isagoo kala doortay labada xidig ee haysta Ballon d’Or-ada badan – Lionel Messi iyo Cristiano Ronaldo.
Wareysi uu siiyay France Football, Dembélé waxaa la weydiiyay inuu kala doorto labadan halyeey, waxaana uu si cad u doortay Lionel Messi.
“Anigu waxaan ku soo koray daawashada Barcelona, sidaas darteed si dabiici ah, Messi ayaa ii ah ciyaaryahanka ugu weyn,” ayuu yiri Dembélé.
“Waa ciyaaryahan i dhiirrigeliya, waa mid gaar ii ah, aad ayaan ugu faraxsanahay in aan la ciyaaray waagii Barcelona.”
Inkasta oo uu marna la ciyaarin Cristiano Ronaldo, Dembélé wuxuu sheegay in uu saddex jeer wajahay Ronaldo marka kooxohoodu ay is haleeleen.
Xiddiga reer France wuxuu waqti la soo qaatay Messi intii uu joogay Barcelona, kahor inta uusan Messi u wareegin PSG, halka Dembélé isagana uu hadda u ciyaaro PSG, Messi-na uu joogo Inter Miami.
