Wasiir hore C/raxmaan Ceynte oo goor dhaw qoraal dheer soo dhigay baraha bulshada ayaa ku dhaliilay dhamaab madaxdii dalka soo martay xatooyo xoolo dadweyne iyo waxqabad la’aan dhanka amniga.
Wasiirkaan hore wuxuu si weyn ugu dhaliilay afartii madaxweyne ugu dambeysay ee dalkaan soo hogaamisay in caalamku malaayiiin doolar ku qarash gareeyay inay soo saaraan ciidamo looga maarmo kuwa shisheeye ee midowga Afrika isagoona tusaale u soo qaatay wali ciidan shisheeye dalku u baahan yahay oo Madaxweyne Xasan u joogo Dalka Uganda arimo nuucaas ah.
Hadaba qoraalkaan oo dhamaantiis u eg kuwo rajo beel siyaasadeed ah halkaan ka akhriso qoraalka Wasiirka hore oo sidiisa u qoran:-
Bismillah,
Maanta waxaa magaalada
#Kampala ee dalka
#Uganda ku qabsoomay shir madaxeed looga arrinsanayay Ciidanka Nabad Ilaalinta Midowga Afrika ee AUSSOM. Shir madaxeedkan wuxuu kusoo beegmayaa 18 sano kaddib markii ay ciidankaas ka howl billaabeen
#Soomaaliya (31 Maarso 2007). Kutalagalku wuxuu ahaa iney saddex sano oo kaliya joogaan!
18-kaas sano waxaa Soomaaliya loo soo tabaray ciidan kor u dhaafaya 100,000. Waxa balaayiin dollar lagu bixiyey hubeynta iyo tayeynta ciidankeenna. Hiil iyo hooba wuxuu adduunku la garab istaagay xukuumadihii hoggaanka dalka isaga dambeeyay.
Yoolka ugu muhiimsan ee ciidankaas loo keenay dalkeenna wuxuu ahaa iney baritaaraan dowlad nugul oo garab iyo gaashaan ugu baahneyd si ay amniga gayigeeda ugu filnaato, ugana adkaato kooxda argagixisada ah ee Al-Shabaab.
Madaxdii isaga dambeysay hoggaanka dalka waxay shacabkooda iyo adduunkaba u ballan qaadayeen iney gaari doonaan isku filnaan amni, Khawaarijtana ka adkaan doonaan, lagana maarmi doono ciidanka ajnabiga ah.
Ha yeeshee, marka uu sii dhammaanayo muddo xiloodkooda ayuu madaxweyne walba afka furanaayay, isagoo ku cabaadayay in “mar kale fursad la siiyo” si uu “dib ugu soo dhiso ciidan tayo leh oo hanan kara amniga dalka.”
Sida uu Suubbanihii Nabi Maxamed, NNKH, inoo sheegay, “qofka Muslimka ah hal god laba mar lagama qaniino.”
RUNTA QARAAR waxay tahay, hoggaankii dalka isaga dambeeyay 18-kaas sano waxay ku summadeysnaayeen waxa aan ugu yeero T6:
1. Tuugeysi xoolo qaran
2. Toleysi xigto beeleed
3. Takrifal xoogga dowladda
4. Tuugsi xoolo shisheeye
5. Tayo xumo la taliyayaal
6. Tiiro gaabni xikmadeed
Hoggaanka intaas oo sifood kulansaday ma dhisin, ma dhisayo, mana dhisi doono ciidan qaran oo hanan kara amniga qaranka. Ciidan kaliya ma ahane, xitaa ma dhisi karo hey’ado dowladeed oo dalka samatabixin kara.
Khawaarijta, argagixisada iyo xoogagga kale ee halista ku ah jiritaanka qarankeenna waxay ku naaxaan, kuna bullaalaan habdhaqanka T6 ee ma lahan itaal ay iskood u tacbadeen.
Soomaalidu waxay tiraahdaa “Gacan daahir ah ayaa wax daahirisa.” Danleyda T6 inaan ka sugno iney Khawaarijta ka adkaadaan waa halkii laga dhihi jiray “Dhedo roob noqon weyday.”
Waxaa lasoo gaaray xilligii lagu kacdoomi lahaa habdhaqanka T6 ee ay ku sifoobeen (inta badan) haldoorka siyaasadda. Waxaa lama huraan ah in lasoo bandhigo aragti qaran oo lagu badbaadin karo dalka, kana tarjumeysa himilada ay shacabka Soomaaliyeed u qabaan hoggaan ay caddaaladdu habdhaqan u tahay.
Sidaan laguma sii jiri karo!
KAMPALA (DAYNIILE.COM)-Wasiirka Difaaca dalka Uganda Hon. Jacob Marksons Oboth oo hadalo ka jeedinayay shirka dalalka ciidamada usoo diraya Somalia oo shalay ku qabsoomay Magaalada Kampala ayaa ka hadlay xaalada dalka iyo dagaalada Somalia ka socda.
Wasiirka Amniga Xukuumadda Federaalka Soomaaliya Cabdullaahi Shiikh Ismaaciil iyo Taliyaha Ciidanka Boliiska Soomaaliyeed Sarreeye Guuto Asad Cismaan Cabdullaahi ayaa xarunta Tababarka Ciidanka ee Generaal Kaahiye ku soo dhaweeyey Wasiirka Arrimaha Gudaha ee Jamhuuriyadda Ciraaq Cabdul Amiir Al-Shammari oo booqasho rasmi ah ku yimid dalka.
ADIS-ABABA (DAYNIILE.COM)-Masuulka u sareeya Midowga Afrika ayaa qirey in dhaqaale la’aan ay soo wajahday howlgalka AUSSOM ee nabad ilaalinta Somalia.
