


MUQDISHO (DAYNIILE.COM)-Diyaarado Milateri oo siday ciidamo u dhashay dalka Turkey ayaa la sheegay inay soo gaareen Magaalada Muqdisho kuwaasoo qorshuhu yahay inay ka qeyb-qataan dagaalada ka dhanka ah Alshabab,waxaana tiradooda lagu sheegay 500 walow qeybo kale ay iman doonaan.
Diyaaradahaan oo laba ahaa sida la sheegay 2 maalin ka hor sioo gaaray Magaalada Muqdisho waxaana la xaqiijiyay in halkey dagayaan ,siday u howlgalayaan,caafimaadkoda iyo dhamaan tasiilaadkooda ay iyaga wataan.
Dowlada Somalia waxay uga baahan yihiin kaliya dad la shaqeeya oo kala tusa degaanada Soomaalida iyo meelaha alshabaab ku xoogan yihiin balse waxaa la sheegay in taliskooda uu gaar u noqon doono,waxayna wataan diyaarado casri ah oo kuwa dagaalka.
Imaanshaha Ciidamadaan waxaa dalbaday Madaxweynaha Somalia Xassan Sheekh si uu degdeg uga adkaado alshabaab,sidoo kale Baarlamaanka dalka Turkey ayaa dhawaan ansixiyay qorshaha ciidamada turkida loogu dirayo Somalia kadib mooshin kaga yimid Madaxweynaha dalkaasi.
Qandaraaska Ciidamadaani ay ku howlgeli doonaan ayaa mudo 2 sano ah inay dhulka iyo cirkaba kala dagaalamaan kooxda Alshabaab oo maalmihii ugu dambeeyay dhul cusub ka qabsaday gobolka Shabeelaha hoose waliw Milateriga Somalia dadaal badan muujiyeen islamarkaana dhul balaaran ka saareen Alshabaab.
XAFIISKA WARARKA
DAYNIILE.COM
MUQDISHO (DAYNIILE.COM)-Waxaa Galabta Garoonka Wiish Stadium lagu ciyaarayaa ciyaaro ka tirsan tartanka Kubbadda kolleyga degmooyinka Gobolka Banaadir ee sanadkaani 2025.
Galabta waxaa la ciyaari doonaa 2 kulan oo ay isku arki doonaan 4 degmo kuwaasoo kala ah Shibis,Kaxda,Waaberi iyo Wada-jir.
kulanka hore oo bilaaban doona 2-da duhurnimo waxaa isaga hor iman doona labada Degmo ee kala ah Shibis iyo Kaxda.
Sidoo kale ciyaarta danbe ee blaabaneysa 4-ta galabnimo ama 10-ka saac waxaa isaga hor iman doona Waaberi iyo Wada-jir.
Ciyaarta kubada koleyga oo ah tan labaad ee loogu xiisa badan yahay Somalia ayaa waxaa garoonka Wiish aad u soo buux dhaafiya taageerayaasha jecel ciyaarahaasi kuwaasoo dhinacyada la kala safan.
Shalay DegmadaShinigaani ayaa ka badisay dhigeeguul ka gaartay dhiggeeda Dayniile. Tartanka Kubbadda kolleyga degmooyinka G. Banaadir 2025.
XAFIISKA WARARKA CIYAARAHA
DAYNIILE.COM.COM
Dowlada Somaia ayaa war culus ka soo saartay qorshe Puntland ku sameysaneyso aqoonsi u gaar ah xili dlku leeyahay aqoonsi qaran.
Wasaaradda Arrimaha Gudaha Somalia ayaa warsaxaafadeed ka soo saartay tallaabadaan oo uu ku sheegay mid baalmarsan qaanuunka dowladnimada oo uu maamulka Puntland ku sameysanayo aqoonsi u gaar ah.
MUQDISHO (DAYNIILE.COM)-Saraakiisha ammaanka iyo maamulka degmada Deyniile oo shalay kormeer ku sameeyay daafaha Caasimadda gaar ahaan Degmada Dayniile ayaa amar culus waxay si gaar ah ugu soo rogeen shacabka Degmada Dayniile ee Magaalada Muqdisho.
Saraakiisha kormeerka sameysay oo uu ku jiro Gudoomiyaha degmada Dayniile ayaa ku amray dadka leh dhulalka banaan ee daafaha dayniile inay geed yuhuudka iska jaraan.
mulkiilayaasha dhulalka bannaan ee uu ka baxay geed-yahuudka ee degmada Dayniile waxay dowladu uga digtay hadii falal amaan daro ashabaab ku geystaan in lagala wareegi doono hantidaasi.
Dowaladu waxay sheegtay in booskii lagu sameeyo falal amniga lidi ku ah inay isla saacadaasi Dowladu la wareegi doonto,waxaana lagu amray milkiilayaasha inay geedka yuhuuda iska jaraan islamarkaana ilaashadaan hantidooda.
Amarkaan waxaad moodaa mid culeys ku ah shacabka Dayniile madaama shaqada amniga ay tahay mid Dowlada iyo sirdoonkeeda u yaal,waxaana muuqata in shacabka ay ku adag tahay boosas meel cidla ah ku yaal oo qofi daganeyn inay la socdaan dhaq dhaqaaqyada ka jira.
Haddaba halkaan ka daawo muuqaalka kormeerka amni ee saraakiisha Dowlada iyo Gudoomiyaha Degmada Dayniile:-
XAFIISKA WARARKA
DAYNIILE.COM
Madaxweynaha Xiriirka Kubadda Cagta Soomaaliya Mudane Cali Cabdi Maxamed, Wasiir Ku Xigeenka Wasaaradda Dhalinyarada & Ciyaaraha JFS Dahabo Suusow Maxamuud & Wasiiru Dowlaha Wasaaradda Amniga Gudaha Maxamed Cali Xagaa ayaa Garoonka Diyaaradaha ee Aadan Cadde ee magaalada Muqdisho ku soo dhoweeyay Madaxweynaha Xiriirka Kubadda Cagta Jabuuti ahna xubin ka tirsan Golaha FIFA, Mudane Suleiman Hassan Waabari oo maanta booqasho rasmi ah ku yimid Soomaaliya.
Booqashadan ayaa lagu tilmaamay mid taariikhi ah, maadaama ay tahay markii ugu horreysay ee xubin ka tirsan Golaha FIFA uu dalka yimaado isagoo xilka haya, waxeyna ku timid kadib markii Xiriirka Kubadda Cagta uu martiqaad rasmi ah u fidiyay Mudane Suleiman Wabari.
Soo Dhaweynta heerka sare ee loo sameeyay Suleiman Waabari waxaa qeyb ka ahaa: Madaxweyne Ku Xigeenada XKCS, Xubnaha Guddiga Fulinta, Xoghayaha Guud ee XKCS, Xubno ka tirsan Golaha Wasiirrada Dowladda Federaalka Soomaaliya, Maamulka Ciyaaraha Gobolka, Qaar ka mid ah Gudoomiyayaasha Kooxaha Dalka & Xubno ka tirsan Shaqaalaha Xiriirka Kubadda Cagta Soomaaliya.
Ururka Haweenka Gobolka Banaadir oo ay hogaamineyso Jawaahir Maxamuud Jaamac “Baarqab” ayaa kaalin mug leh ka qaatay soo dhaweynta, sidoo kale Barbaarta Gaashaaman ayaa ciyaaraha dhaqanka kusoo bandhigay goobta soo dhaweynta.
Ma ahan markii ugu horreysay Madaxweyne Suleiman Wabari uu dalka yimaado, balse waa markii ugu horreysay uu yimaado isagoo ka tirsan Golaha FIFA oo ka mid ah darajooyinka ugu sarreeya kubadda cagta dunida.
Mudane Suleiman Hassan Waabari waxaa si weyn loogu xusuustaa kaalintiisa muuqata ee uu mar walba ku garab taagnaa horumarinta kubadda cagta Soomaaliya, isagoo door muhiim ah ka qaatay dhiirrigelinta wada-shaqeynta labada xiriir, taageeridda mashaariicda horumarineed, iyo kor u qaadista sumcadda ciyaaraha Soomaaliya ee heer gobol iyo mid caalami ah.
QAZA (DAYNIILE.COM)-War ka soo baxay milateriga Yuhuuda ayay ku qirteen dil ay dhawaan u geysteen dad samafalayaal ahaa kuwaasoo u dhashay dalka muslimiinta ah ee Falastiin oo ay xasuuq joogta ah ku hayaan.
Yuhuudu waxay ku andacoonayaan in dilka ama duqeynta lagu laayay samafalayaasha inay ahayd fashil xagga xirfadda ah.
Maamulka Israa’iil oo iska dhigaya dad aan isla ogeyn dhacdadaani xasuuqa ahayd ayaa saxaafada u sheegay in qaladku ka dhacay Taliye ku xigeenka qeyb ka mida ciidamada milateriga oo bixiyay warbixin aan dhameystirneyn oo aan sax ahayn.
Sarkaalkaan ayay hada sheegeen inay xilka ka qaadeen madaama uu sabab ah dilka dadkaasi samafalayaasha ahaa oo si qaldan loo bartilmameedsaday sida ay ku doodayan inkastoo ay dunida u cadahay awalba Yuhuudu inay xasuuqa muslimiinta bareer u sameeyaan waliba si jees jees ah.
XAFIISKA WARARKA
DAYNIILE.COM
LAASCAANOOD (DAYNIILE.COM)-Maamulka SSC Khaatumo ayaa markii ugu horeysay waxay ka hadleen dil habeen hore Laas-caanood loogu geystay Faarax Caydiid Jaamac (Faarax Bariis) oo ka mid ahaa qunsuliyadda dowladda Itoobiya ee Garoowe.
Xeer Ilaaliyaha guud ee Maamulka SSC-khaatumo, Avv. Cabdillaahi Xirsi ayaa shaaciyay in sarkaalkaani ay laba mid tahay in Alshabaab dileen iyo in aano qabiil loo dilay.
Xeer ilaaliyaha wuxuu xusay in maleeshiyaad dilay aan wali la qaban balse wuxuu xaqiijiyay in gudaha magaalada Laa-caanood lagu dilay.
Sidoo kale xeer ilaaliyaa ayaa ka dhawaajiyay in sarkaalkaani oo asal ahaan ka soo jeeda Laas-xcaanood inuu laftigiisu hore uga soo mid ahaa kooxda Alshabaab.
Xeer ilaaliyaha Maamulka Khaatumo wuxuu sidoo kale cadeeyay in sarkaakaan la dilay inuu ka tirsanaa sirdoonka Itoobiya islamarkaana ay u maleynayaan inay Alshabaab bartilmaameedsadeen.
Mar uu ka hadlayay waxa lagu dilay ayuu xaqiijiyay in jirdil kadibn madaxa looga dhuftay laba xabadood kadibna meydikiisa la geeyay gooja cadde.
XAFIISKA WARARKA
DAYNIILE.COM
MUQDISHO (DAYNIILE.COM)-Madaxweynaha Soomaaliya Xassan Sheekh Maxamuud ayaa madaxtooyada kula shiray Madaxweynayaasha Maamul Goboleedyada Galmudug, koofur-Galbeed iyo Hirshabelle waxayna si gaar ah uga wada hadleen dagaalka ka dhanka ah Alshabaab.
Madaxweyne Xassan ayaa madaxdaan ka dhageystay warbixinada dagaalada ka dhanka ah alshabaab iyo deegaanada ay maamulaan iyadoo mid mid ay uga warbixiyeen.
Madaxweynaha Soomaaliya ayaa ka dalbaday madaxdaan in si dhab ah la isaga kaashto dagaalka Alshabaab ay doonayaan inay dalka kaga saaraan guud ahaan.
Waxay isla garteen in la wada wajao alshabaab si looga adkaado ,islamarkaana wada shaqeyn la muujiyo, waxay isla bogaadiyeen ciidamada xooga iyo kuwa macawisleyda ee dhiigooda u huraya dalkooda,dadkooda iyo diintooda.
Dhanka kale lama yaqaan in madaxda maamul goboleedyada loogu yeeray arimaha dagaalka oo kaliya iyo inay jirto arimo siyaasadeed kale sida shirka la filayo in madaxweynuhu ku casuumo saamileyda siyaasada iyo maamul goboleedyada dhamaan oo ka hor qabsoomadiisa lagala sii tashano sida madaxweynuhu gogoshaasi u dhigaayo.
XAFIISKA WARARKA
DAYNIILE.COM