Cadaalada daarad Maxkamadaha Xasan Sheikh iyo isbaarada uu dhigtay Eraboorka Musduf dhuxuloow ma tahay mid Somali ka boxikarto
Maxaa ka jira in Alshabaab deegaanada qaar ciidamadii u joogay ay u wareejiyeen Shabeelooyinka iyo Hiiraan
Dagaalamayaal badan oo Alshabaab ka tirsan ayaa la soo sheegayaa inay maanta ka ruqaansadeen gobolada Bay iyo Bakool iyagoona u dhaqaaqay dhanka Hiiraan iyo shabeelooyinka oo dagaalo ay uga furan yihiin.
Warar kala duwan ayaa ka soo baxaya dhaq-dhaqaaqooda maanta ay sameeyeen kooxda,wararka qaar waxay sheegayaan inay iyagu iskood u fureen magaalooyinka ay mudo sanado ah go’doomiyeen kuwaasoo badankood ku yaal Gobolada Bay iyo Bakool,halka warar kalana sheegayaan inay ciidamadii oo dhan furumaha u direen taasina ay ku qasabtay inay iskood u furaan meelihii u go’doonsanaa.
Ciidamada iyo gaadiid dagaal wixii ka joogay Bay iyo Bakool ayay dhamaantood gurmad ahaan ugu direen shabeelooyinka iyo Hiiraan oo culeys dagaal uu ka heysto.
Dhanka kale sirdoonka Dowlada Somalia iyo maamulka Koofur-Galbeed wali wax wara kama soo saarin dhaq dhaqaaqyada Alshabaab ay ka sameeyeen gobolada Bay iyo Bakool.
XAFIISKA WARARKA
DAYNIILE.COM
Trump “Somalia waxaan ka taageyreynaa la dagaalanka argagaxsiada iyo inaysan Xuutiyiintu saldhig ka dhigan
WASHINGTON (DAYNIILE.COM)-Madaxweynaha Mareykanka Donald Trumo ayaa muujiyay cabsida ay ka qabaan in kooxda Xuutiyiinta Yeman ay Somalia galaan islamarkaana saldhig ka sameystaan.
Trump wuxuu carabka ku adkeeyay inay diyaar u yihiin sidii ay Dowlada Somalia uga caawin lahaayee la dagaalanka argagaxisada iyo waliba xuutiyiinta inay gaaraan Somalia.
“Somalia waxaan ka taageyreynaa la dagaalanka argagaxisada iyo inaysan Xuutiyiintu saldhig ka dhigan”ayuu yiri Madaxweyne Trump.
Mar uu ka hadlayay ciidamadooda cirka ee dhanka hawada ka taagera Dowlada Somalia ayuu sheegay inay diyaaradahoodu cadaalada hor keeni doonaan kooxaha argagaxisada sida uu warka u dhigay.
“Sidii aan hore xagjirka daacish uga cirib tirey Suuriya iyo Ciraq muda xileedkeygii hore ayaan hadana ka cirib-tirayaa xajirka somali”ayuu mar kale yiri.
XAFIISKA WARARKA
DAYNIILE.COM
Xildhibaan reer Khaatumo ah oo cadeeyay inay maxaabiis reer Somaliland ah sii deyn doonaan.
LAAS-CAANOOD (DAYNIILE.COM)-Mid ka mida xildhibaanada Maamulka SSC Khaatumo ayaa baraha bulshada soo geliyay qoraal uu kaga hadlayo wararka sheegaya in reer khaatumo ay sii deyn doonaan qeyb ka mid ah maxaabiista reer Somaliland ee u xiran.
Xildhibaanka oo lagu magacaabo Axmed Keyse ayaa si toos ah u sheegay inay ku sharfi doonaan imaanshaha Ra’iisulwasaaraha Soomaaliya inay maxaabiista qaar sii daynayaan walow madaxda sare ee Khaatumo aan wali war cad laga helin.
Dhawaan ayay ahayd markii Madaxweynaha Soomaaliya uu Turkey ka sheegay in Ra’iisulwasaare Xamse uu u tagay laas-caanood sidii uu u abuuri lahaa jawi nabadeed oo lagu wada hadal siin karo Khaatumo iyo Somaliand madaama dagaalo ay dhex mareen islamarkaana suurtagal laga dhigi in maxaabiista ay is weydaarsadaan.
Sidoo kale Hogaamiyaha SSC Khaatumo ayaa manta shaaciyay inay Somaliland ugu baaqayaan nabad shuruud la’aan ah marka laga reebo rabitaankooda in lagu soo farageliyo.
XAFIISKA WARARKA
DAYNIILE.COM
Dowlada Iran oo Ruushka kala tashaneysa cadaadiska Mareykanku ku hayo hubkeeda Nuyukleerka
Wasiirka arrimaha dibadda ee Iiran Abbas Araghchi ayaa todobaadkan u safri doona magaalada Moscow si uu wadatashi ugala yeesho wadahadalka Nukliyeerka ee Iran ay la leedahay Mareykanka,
Abbas Araghchi ayaa booqan doona xulafada Iran dabayaaqada toddobaadkan, wasaaradda arrimaha dibadda ee Iran ayaa sheegtay Isniintii Ku dhawaaqista safarka.
Dowlada Iran ayaa qorsheysay inta ay ku guda jiraan wada-hadalka mareykamka ay la leeyihiin in sidoo kalana Arakchi uu la kulmi doono dhiggiisa Ruushka, Sergey Lavrov,
Moscow ayaa laga soo xigtay in kulanka ay Iran la yeelan doonaan uu ku soo aaday iyadoo tafaasiil ka soo baxay wadahadalka labaad ee u dhexeeya Iran iyo Mareykanka si loo sii wado kulan bilow ah oo dhamaadka usbuuca ka dhacaya Cumaan.
“Booqashada Araghchi ee Ruushka ayaa la sii qorsheeyay, laakiin waxaa jiri doona wadatashiyo ku saabsan wadahadallada lala yeelanayo Mareykanka” ayuu yiri afhayeenka Wasaaradda Arrimaha Dibadda Iran Esmaeil Baghaei
Iran iyo Maraykanku waxay sheegeen usbuucan dhammaadkii inay yeesheen wadahadallo toossan oo wax dhisaya, inkasta oo wada-xaajoodyadu ay weli yihiin kuwo aan toos ahayn iyada oo Cumaan ay dhexdhexaadin ka tahay.
Labada wadan ayaa ku heshiiyey in dib la isugu soo laabto sabtida iyadoo warar soo baxayay Isniintii ay soo jeedinayeen in Dalka Talyaaniga ay ciyaari doonaan kaalin dhex dhexaad inkastoo Iran la sheegay inay door bidayso Geneva.
XAFIISKA WARARKA
DAYNIILE.COM
Gudoomiyaha aqalka sare oo booqday Magaaladii lagu soo dhisay Dowladii C/qaasim
Guddoomiyaha Aqalka Sare ee Baarlamaanka Jamhuuriyadda Federaalka Soomaaliya Mudane Cabdi Xaashi Cabdullaahi oo booqasho rasmi ah ku jooga dalka Jabuuti ayaa maanta gaaray magaalada Carta oo ah halkii lagu yagleelay Dowladdii kumeel gaarka ahayd sanadkii 2000.
Guddoomiyaha iyo wafdiga uu hoggaaminayo ee maanta booqday magaalada Carta ayaa waxaa halkaasi kusoo dhaweeyay Guddoomiye ku xigeenka koowaad ee Baarlamaanka Jabuuti, Xildhibaanno ka tirsan Baarlamaanka Jabuuti, Maamulka magaalada, waxgarad iyo marti sharaf kale.
Guddoomiye Cabdi Xaashi ayaa shacabka Carta uga mahad celiyay martigalintii ay u sameeyeen ergadii Soomaaliyeed ee ka qeyb qaadatay shirkii dib-u-heshiinta Soomaaliya ee lagu yagleelay dowladnimada Soomaaliya, wuxuuna sheegay in dadka Soomaaliyeed ay abaal weyn uga hayaan shacabka iyo Madaxwaynaha Jabuuti hiilka walaaltinimo ee ay u fidiyeen walaalohooda Soomaaliya.
DHAMMAAD
Xafiiska Warfaafinta & Xiriirka Dadwaynaha
Golaha Aqalka Sare ee Baarlamaanka JFS.
Muxuu yahay hindisaha xabad joojinta ee qof muslim ah uusan aqbalayn oo Xamaas ka diiday Masar
Sarkaal sare oo ka tirsan Xamaas ayaa Al Jazeera u sheegay in kooxdu ay diiday hindise xabbad-joojin ah oo ay Masar soo bandhigtay oo ku baaqayay in hubka laga dhigo.
Ugu yaraan 13 falastiiniyiin ah ayaa lagu dilay weerarrada Israel ee Gaza tan iyo waaberigii Isniintii.
Sagaal maxbuus oo ay Israa’iil sii deysay Gaza ayaa muujinaya “calaamadaha jirdilka” ayuu yidhi weriyaha Aljazeera ee Deir el-Balah.
Wasaaradda caafimaadka ee Gaza ayaa sheegtay in ugu yaraan 50,983 falastiiniyiin ah la xaqiijiyay inay dhinteen 116,274 kalena ay ku dhaawacmeen dagaalka Israa’iil ee Gaza. Xafiiska Warbaahinta ee Dowladda ayaa dhimashadiisa ka dhigay in ka badan 61,700, iyadoo sheegtay in kumannaan qof oo lagu la’yahay burburka hoostiisa loo maleynayo inay dhinteen.
Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay 7-dii Oktoobar 2023 in ka badan 200 oo qofna waa la qafaashay.
SOURCE ALJAZEERA
XAFIISKA WARARKA|
DAYNIILE.COM
Ciidamada Dowlada iyo Jubaland oo qarka u saaran inay isku fara-saaraan Balad-xaawo
BALAD-XAAWO (DAYNIILE.COM)- Wararka laga helaayo Gobolka Geddo ayaa sheegaya inay maanta xiisad dagaal ka taagan tahay Magaalada Balad-xaawo taasoo u dhexeysa ciidamada Dowlada Somalia iyo kuwa Maamulka Jubaland.
Wararku waxay tilmaamayaan in Magaaladaani Balad-xaawo oo gacanta ugu jira Dowlada Somalia uu shalay ciidamo la soo galay Madaxweyne xigeenka Maamulka Jubaland Maxamuud Sayid Aadan taasina ay keentay xiisadaani.
Warar aan la xaqiijin ayaa sheegaya in Jubaland dooneyso inay dib ula wareegaan Magaaladaasi sidaasna uu u yimid Madaxweyne xigeenka oo ciidamo wata.
Deegaanka Amiin oo dhacda duleedka Magaalada Balad-xaawo halkaasoo ay isku soo abaabulayaan si ay Baladxaawo uga qabsadaan ciidamada Dowlada Somalia oo hore magaalada ka eryay kuwa jubaland.
Guud ahaan dhaq dhaqaaqa ganacsi iyo isku socodaka Magaalada Balad-xaawo ayaa maanta caadi ah laakiin cabsi ayaa soo wajahday dadka shacabka ah oo dhagta ayaa u taagan, waxayna ka cabsanayaan in dushooda lagu dagaalamo.
XAFIISKA WARARKA
DAYNIILE.COM
Ra’iisulwasaare Xamsa oo booqday Magaalada Adhi-cadeye balan-qaadna u sameeyay+SAWIRRO
Laascaanood, Isniin, 14 Abriil 2025: – Ra’iisul Wasaaraha Xukuumadda Jamhuuriyadda Federaalka Soomaaliya, Mudane Xamsa Cabdi Barre, ayaa Hadhimo-Sharafeed lagu Maamuusayey kaga qeyb-galay duleedka magaalada Ari-Caddeeya, oo 30, KM dhanka waqooyi ah kaga beegan magaalada Laascaanood.Ra’iisul Wasaare Xamsa, oo la hadlay shacabka magaalada, ayaa sheegay in ay farxad gelinayso booqashada taariikhiha ah ee uu ku soo gaaray dadka Soomaaliyeed ee ku nool deegaankan, waxa uuna ballan-qaaday in ay dhawaan heli doonaan xuquuqdooda dastuuriga ah oo ay kamid tahay doorashooyinka dadweyne ee la qorsheeyay in ay ka qabsoomaan dalkeenna.
Ra’iisul Wasaaraha, oo ay weheliyaan Hoggaamiyaha Maamulka SSC-Khaatumo, Mudane Cabdulqaadir Axmed Aw Cali, ( Firdhiye) iyo madaxda ka tirsan Hey’addaha Heer Federaal, ayaa ka mahadceliyay soo dhaweynta iyo martisoorka loogu sameeyay Beerta Suldaan Mustafe Maxamuud Aw Seed, ee duleedka Adhi-Caddeeye.
—DHAMMAAD—
Wixii Faah-faahin ah kala xiriir
Afhayeenka Xukuumadda, ahna Agaasimaha Warfaafinta iyo Xiriirka Dadweynaha XRW
Farxaan Maxamed Jimcaale
Isku day dil uu ka bad-baaday Masuul ka tirsan Maamulka Garbahaareey
GARBAHAAREEY (DAYNIILE.COM)-Maareeyaha Garoonka diyaaradaha Magaalada Garbahaareey ee Xarunta Gobolka Gedo ayaa la soo sheegayaa inuu xalay ka bad-baaday isku dil ay la damacsanaayeen kooxda Alshabaab.
Koox ka tirsan Alshabaab ayaa si dhuumeleysi ah waxay xalay ku weerareen guriga maareeyaha balse wuu ka bad-baaday isku daygaasi dil ama afduub.
Is rasaaseyntii dhex-martay ilaaladiisa iyo maleeshiyaadka Alshabaab ayaa waxa la sheegay inuu ku dhaawacmay mid ka mid ah istaafka maareyaha mana jirto khasaare kale oo ka dhashay weerarkaasi.
Ciidamada Maamulka Garbahaareey ayaa durba soo gaaray kuwa maareeyaha walow aysan isku soo gaarin kuwii weerarka soo qaaday,ciidamada waxay howlgab kooban ka sameeyeen nawaaxiga guriga mana jirto cid ay tuhun usoo qabteen.
Alshabaab laftigooda oo sheegtay in weerarkeeni ay ka dambeeyaan ma aysan sheegin inay dileen maareeyaha kaliya inay weerar ku qaadeen bay sheegeen.
XAFIISKA WARARKA
DAYNIILE.COM
- Advertisement -
news
book store near me
Are you looking for a library near me? That you are a lover of books who seek the last success of sales, a student...
