LAAS-CAANOOD (DAYNIILE.COM)-Ra’iisulwasaaraha Soomaliya Xamsa Cabdi-Barre iyo wafdi uu horkacayo ayaa goor dhaw gaaray Magaalada Laas-caanood halkaasoo si weyn loogu soo dhaweeyay.

Guud ahaan shacab iyo maamulba Magaalada oo dhan baa dhaqaaqday waxayna garoonka kaga hor tageen Ra’iisulwasaaraha Soomaaliya Xamsa Cabdi Barre si ay usoo dhaweeyaan.
Wafdiga Ra’iisulwasaaraha waxaa loo galbiyay Maxaxtooyada SSC Khaatumo halkaasuu uu iulamo kula qaadan doono Hogaamiyaha SSC Khaatumo iyo dhaaanka.

Laamiyada Laas-caanood waxaa aad u camirey shacabka Magaalada oo wata calamada Somalia iyo kan SSC Khaatumo kuwaasoo u soo baxay soo dhaweynta Ra’iisulwasaaraha Ssoomaaliya Xamsa Cabdi Barre.
Booqashaaan ayaa sidii horaba loo sheegay waxay noqoneysaa mid taariikhi ah waana markii koowaad oo tan iyo burburkii masuul Dowlada Somalia ka socda uu tago Laas-caanood.

XAFIISKA WARARKA
DAYNIILE.COM

MUQDISHO (DAYNIILE.COM)-Ciidamada Booliiska Somalia ayaa Saaka xabsiga dhigay Agaasimaha  Radio Shabelle Iyo Wariye isla idaacadaasi ka tirsan  walina lama oga sababta.

Agaasime Abukar Sky iyo Wariye Soofeysane ayaa lagu xirey Saldhiga Booliiska Degmada Xamarweyne ee Magaalada Muqdisho..

Masuuliyiinta Idaacad Shabeele  ayaa  xaqiijiyay xariga wariyaha.

Dhanka kale bahda  Warbaahinta  Soomaaliya qarkood iyo  maamulka TV shabeele ayaa ku baaqaya in xoriyadiisa dib loogu soo celiyo wariyaha.

XAFIISKA WARARKA

DAYNIILE.COM

LAAS-CAANOOD (DAYNIILE.COM)-Taliska Booliiska Maamulka SSC Khaatumo ayaa xalay soo saaray awaamiir amni taasoo ah bandow la saaray Magaalada sababo ay ku sheegeen sugida amniga Ra’iisulwasaaraha soomaalia oo saaka tagaya Magaaladaasi.

Taliska Booliiska waxay dul dhigeen Magaalada amar ah wixii xalay ka soo bilowda 12-kii saqda dhexe aanay wax gaadiid ah magaalada soo geli karin ,gaar ahaan koontaroolada laga soo galo aysan ka soo gud-bi karin.

Sidoo kale Booliisu waxay mamnuuceen in gaadiidka iyo mooto bajaajta aaney mari karin wadada wadnaha ilaa iyo amar danbe ,wadadaan ayaa isku xirta garoonka diyaaradaha ilaa madaxtooyada SSC Khaatumo.

Taliyaha oo awaamiirta akhrinayay ayaa shaaciyay in kaliya wadada wadnaha loo ogol yahay gaadiidka maamulka gaar ahaan kuwa ka shaqeynaya soo dhaweynta Ra’iisulwasaaraha,waxaana gabi ahaanba dhaq dhaqaaqa loo diiday gaadiidka shacabka.

Taliyaha wuxuu carabka ku adkeeyay inay awaamiirtaani usoo rogeen sugida amniga wafdiga Ra’iisulwasaaraha, wuxuuna ka codsaday shacabka reer Laas-caanood inay u hogaansamaan awaamiirta oo ay fuliyan.

XAFIISKA WARARKA
DAYNIILE.COM

WAAJID (DAYNIILE.COM)-Wararka laga helaayo Deegaanada Maamulka Koofur-Galbeed gaar ahaan Magaalada Waajid ee Gobolka Bakool ayaa sheegaya in Dagaal  uu shalay dhex-maray ciidamada Itoobiya iyo Dagaal-yahanada Alshabaab.

Dagaalka ayaa yimid kadib markii Alshabaab weerar dhaba-gal ah ku qaadeen ciidamo Itoobiyaan ah oo ka soo baxay Garoonka diyaaradaha Waajid xili ay ku sii jeedeen saldhig ay isla magaaladaasi ku lahaayeen, waxaana dhexmaray dagaal culus.

Sidoo kale qarax ay Alshabaab soo maleegeen ayaa qabsaday gaari Cabdi-Bile ah oo Itoobiyaanku wateen waxayna dagaalamayaasha Alshabaab ku dilaan qaraxaasi  4 ka mida ciidamada Itoobiyaanka sidoo kalana waxaa ku bur-buray gaarigaasi oo ay jiiteen Itoobiyaanku.

War durba ka soo baxay saraakliisha Ciidamada Itoobiya ayaa lagu shaaciyay inay iska difaaceen weerarka ay Alshabaab ku soo qaadeen mana aysan soo hadal qaadin khasaaraha ciidamadooda gaaray.

Sidoo kale Itoobiyaanku waxay sheegeen in xiliga weerarka lagu qaadayay ay ku jireen howlgalo ciidan inkastoo aysan sii sharaxin wuxuu u salka ku hayay howlgalkaasi.

XAFIISKA WARARKA
DAYNIILE.COM

Taliyaha Ciidanka Xoogga Dalka Soomaaliyeed S/Gaas Odawa Yusuf Rage ayaa Ciidamada Xoogga Dalka ugu Hambalyeeyay 65 sano Guuradii kasoo wareegatay Aas Aaskoodii.

Maanta oo taariikhdu tahay 12-ka April waxay ku beegan tahay 65 sano Guuradii kasoo wareegatay markii la aas’aasay Ciidamada Xooga Dalka Somalia.

Hadaba halkaan ka daawo muuqaalka Taliye Odawa:-

Iran iyo Mareykanka ayaa wada-hadallo dhanka Nukliyeerka ah axaa uu uga furmaya dalka Cumaan kaasoo hareeyay colaadda gobolka
Sida hore warbaahintu uga hadashay.

Wufuud ka kala socota Maraykanka iyo Iran ayaa lagu wadaa in ay maanta gelinka dambe wada hadallo iska soo horjeeda ku yeeshaan dalka Cumaan, taas oo qayb ka ah dadaallada wadajirka ah ee Washington iyo Israa’iil ay ku doonayaan in ay ku hakiyaan barnaamijka Nukliyeerka ee Tehraan ee xawliga ku socda.

Raiisel wasaare Netanyahu – oo marar badan ku booriyay Maraykanka in ay u adeegsadaan weerarro lagu burburiyo barnaamijka Nukliyeerka Iran – ayaa sheegay in xal dublamaasiyadeed uu fiicnaan lahaa oo kaliya haddii loo sameeyo si buuxda.

Wasiirka arrimaha dibadda ee Iran Abbas Aragchi ayaa lagu wadaa inuu hogaamiyo wafdiga Iran, halka wadahadalka uu dhanka Mareykanka u maamuli doono ergayga Bariga Dhexe ee Trump, Steve Witkoff.

Calaamad kasta oo heshiis ah ayaa gacan ka geysan karta qaboojinta xiisadda gobolka, halkaas oo dagaalka Israa’iil ee Gaza uu si buuxda dib ugu soo laabtay toddobaadyadii la soo dhaafay, oo ay weheliyaan weerarrada Lubnaan iyo Suuriya, iyo sidoo kale weerarrada Maraykanka ee bartilmaameedyada Xuutiyiinta ee Yemen.

XAFIISKA WARARKA
DAYNIILE.COM

MUQDISHO (DAYNIILE.COM)-Waxaa lagu wadaa inay Dowladu maanta xusto maalinta xuska 12-ka April oo ku beegan markii la aas’aasay ciidamada milateriga Somalia 65 sano ka hor .

Wasaarada Gaashaandhiga ayaa inta badan xuska lagu qabtaa islamarkaana ciidamadu ku soo bandhigaan gaada-ka ciyaar.

Sidoo kale Masuuliyiinta Wasaarada Gaashaandhiga iyo Taliyayaasha ciidamada ayaa khudbado ka jeediya xuskaan sanad kasta marka la soo gaaro 12-ka April.

Dhanka kale Xuska maanta waxay ku soo aadeysa xili Taliyaha Ciidamada Xoogga Dalka uu furimaha dagaalka ku sugan yahay isagoona halkaasi ku soo duubay muuqaal uu ugu Hambalyeeynayo ciidamada Xooga.

XAFIISKA WARARKA
DAYNIILE.COM