MUQDISHO (DAYNIILE.COM)-Warar dheeraad ah ayaa ka soo kordhaya safarka la sheegay in Ra’iisulwasaaraha Soomaaliya Xamsa Cabdi-Barre uu ugu socdaalayo Magaalada Laas-caanood ee Xarunta Gobolka Sool.

Warar ku dhaw dhaw madaxtooyada Somalia ayaa sheegaya in Ra’iisulwasaaraha uu booqan doono Laas-caanood sabtidaama Axada ama isniinta soo socota iyadoo qaban qaabada soo dhaweyntiisa ay wali ka socoto Laas-caanood.

Ciidamo madaxtooyada ka tirsan oo boqolaal ah ayaa la sheegay inay dhawaan u safrayaan laas-caanood si ay uga sii hormaraan Ra’iisulwasaaraha islamarkaana uga qeybqaataan amnigiisa inta uu joogo Magaaladaasi.

Maamulka KMG ah ee SSC Khaatumo ayaa la soo sheegayaa inay hada gacanta ku hayaan koontaroolka Magaaladaasi gaar ahaan Garoonka diyaaradaha iyo nmadaxtooyada SSC Khaatumo inta u dhexeysa iyagoo aad u adkeyay amniga aagaasi iyo guud ahana dhaq dhaqaaqa gaadidi iyo dadba.

XAFIISKA WARARKA
DAYNIILE.COM

Guddoomiyaha Maxkamada Ciidamada Qalabka Sida Xasan Cali Nuur Shuute oo ciidamo badan kula hadlaayay furimaha dagaalka Gobolka Shabeelaha dhexe ayaa u sheegay in Dadka Gobolka Shabeelaha dhexe Soomaalida kale aysan u sineyn dagaalka.

Gudoomiye Shuute wuxuu u sheegay macawisleyda Gobolka Shabeelaha dhexe in masuuliyad gaar ah ay ka saaran tahay la dagaalanka kooxda Alshabaab.

“masuuliyada ugu badan waxay saaran tahay dadka gobolka shabeelaha dhexe waxaa la idinka rabaa inaa raganimo dheeraad ah iyo geesinimo dheeri ah muujisaan oo aan loo kala harin sidii aan isaga sifeyn lahayn” ayuu yiri Gudoomiye Shuute

“Khawaarijtu waxay Khatar ku yihiin, nafteena, maalkeena, sharafkeena iyo waxkasta oo diintu ilaalisay, mida kale madax war gala malaha khawaarijta laakiin waxay leeyihiin madax mudac gala” ayuu mar kale  yiri Gudoomiye Shuute

XAFIISKA WARARKA
DAYNIILE.COM

BALADWEYNNE (DAYNIILE.COM)-Wararka laga helaayo Magaalada Baladweyne ee Xarunta Gobolka Hiiraan ayaa sheegaya in goor dhaw oo maanta ah lagu dilay halkaasu wiil uu dhalay xildhibaan C/qaadir Abuubakar Dhagaweyne oo ka mida baarlamaanka Maamulka Hirshabelle.

Kooxo hubeysan oo qaar ka mida xaafadaha  Magaalada Baladweyne ka dhacayay Mobile-da gacanta ayaa la soo sheegayaa inay dileen wiilka markii ay rasaas ku fureen.

Meydka wiilka oo aad u da’yar islamarkaana ah 15 jir ayaa goobta rasaastu kula dhacday laga qaaday.

laamaha amaanka wali kama hadlin xili kooxihii dilka gaystayna ay goobta ka baxsadeen balse looga fadhiyo Booliiska inay soo qabtaan.

XAFIISKA WARARKA
DAYNIILE.COM

Muqdisho, Khamiis, 03 Abriil 2025: Ra’iisul Wasaaraha Xukuumadda jamhuuriyadda Federaalka Soomaaliya, Mudane Xamsa Cabdi Barre, ayaa magacaabay Guddiga Qaran ee Taakuleynta Dagaalka lagula jira kooxaha Khawaarijta ah ee Shabaab iyo Daacish.

Xubnaha Guddiga Taakulaynta Dagaalka, ayaa waxaa hoggaaminaya Ra’iisul Wasaare Ku-xigeenka Labaad ee Xukuumadda Jamhuuriyadda Federaalka Soomaaliya, Mudane Cabdisalaan Cabdi Cali.

BER-BERA (DAYNIILE.COM)-Samafale C/Maalik Muuse Coldoon ayaa la soo sheegayaa in lagu xirey Magaalada Berbera ee Maamulka Somaliland.

Ciidamada Booliiska Maamulka Somaliland ayaa kaxaeystay oo xabsigana dhigay lamana yaqaan sababta xarigiisa loo cuskaday.

Xariga C/maalik wuxuu ku soo aadayq xili tan iyo Ramadaankii uu wariyuhu baraha bulshada ku faafinayay tuhun uu ka qabay in ciidamadu raadinayaan oo la doonayo in la xiro isagoo waliba u baxsaday dhanka Gobolada Sool iyo Sanaag meelo ka mida.

Sidoo kale Ciidamada Boolisku ilaa hadda kamay hadal xariga  iyo eedaha loo haysto C/Maalik Muuse Coldoon.

Waa markii ugu horeysay oo C/maalik ay xiraan Maamulkq Somaliland tan iyo markii Madaxweynaha Somaliland loo doortay C/raxmaan Cirro balse madaxdii ka horeysay marar badan ayaa xabsiga la dhigay.

XAFIISKA WARARKA

DAYNIILE.COM