MUQDISHO (DAYNIILE.COM)-Madaxweynaha Soomaliya  Xassan Sheekh Maxamuud ayaa 114 Maxbuus u fidiyey cafis Madaxweyne munaasabadda Ciidul fidriga awgeed kuwaasoo ku jirey xabsiga dhexe ee Magaalada Muqisho.

Maxaabiista ayaa dhamaantood laga soo saaray qolalkii ay ku xirnaayeen iyadoo loo sheegay incafis mdaxweyne lagu sii daayay.

Maxaabiista ayaa wajiyadooda laga dheehan karaa farxada markii ay hubsadeen in la fasaxay waliba cafis madaxweyne darteed.

Sanad kasta ayaa tira ka mida maxaabiista waxay helaan cafis madaxweyne waxaana loo xusha sida ay u kala danbi yaryihiin madaam aan la cafin karin qof danbi weyn u xiran si sharciga uu u maro.

XAFIISKA WARARKA 
DAYNIILE.COM

Afhayeenka Wasaarada Gaashaandhiga ayaa sharaxaad dheeraad ah ka bixiyay dagaaladii iyo howlgaladii ugu dambeeyay ee ciidamada Dowladu ka fuliyeen Gobolada shabeelooyinka.

Afhayeen Sheekh Abukar wuxuu si gaar ah uga hadlay howlgal saraakiil Alshabaab lagu dilay Gobolka Shabeelaha dhexe iyo weerarkii ciidamadii Dowladu dib ugu qabsadeen deegaanada sabiib iyo caanoole.

Hadaba halkaan ka daawo muuqalka Afhayeenka Wasarada Difaaca Xukuumada Somalia:-

MUQDISHO (DAYNIILE.COM)-Waxaa maanta Maxkamada Ciidamada ka soo muuqday Askari ka tirsan Hay’ada nabad sugida iyo sirdoonka qaranka ee NISA oo hore u dilay askari kale oo isla NISA kala tirsan.

Eedeysanaha gacan ku dhiiglaha ah oo lagu magacaabo Xassan Qabiran ayaa la sheegay inay kaltanka kala horeynta waaridiyaha isku qabteen marxuumka dhiman doona oo lagu magacaabi jirey C/laahi c/qaadir kaasoo lahaa waardiyaha sida askarta kale cadeeyeen balse askari wax dilay uu ku qabsaday i hormari,markaa kadib-na askarta kale ayaa ku xalisay in C/laahi uu u dhaafo Xassan .

Sidoo kale Mar kale oo xiligii qadada la gaaray ayuu hadana eedeysanaha ku kor faradhaqday kabaka marxuumka markii uu dhahay maxaad saas u yeeleydsaana xabad ayuu madaxa kaga dhuftay sida ay marqaatiyayaasha sheegayaan kadibna wuu baxsaday .

29-ka bishii December 2024-kii ayaa la soo qabtay madaama uu baxsaday xiligii uu dilka geytay xili uu ku dhuumaaleysanayay isla magaalada Muqdisho gaar ahaan xaafada taribuunka.

Eedeysane Xasan ayaa inkirey dhamaan eeda dilka ee loo jeediyay xili marqaatiyaal la soo hor istaajiyay maxkamada iyagoona sheegay inuu isagu dilka gaystay.

Haddaba halkaan hoose ka daawo muqaalka dhageysiga dacwada:-

XAFIISKA WARARKA
DAYNIILE.COM

CAL-MISKAAD (DAYNIILE.COM)-Diyaaradaha aan duuliyaha lahayn ee Mareykanka uu leeyahay ayaa maanta waxay duqeyn xooggan ka fuliyeen dhuka Maamulka Puntland gaar ahaan Toga Miiraale oo ay wali ku danbeyaan kuna xooggan yihiin dagaal-yahanada Daacish.

Wararka aan heleyno ayaa sheegaya in weerarkaani maanta lagu barbtilmaameedsaday kooxda Daacish xili ay isku urursanayeen toga Miiraale ee buuraha Cal-miskaad Gobolka Bari Somalia madaama ay weeraro joogto ah oo toos ah ay ku hayaan ciidamada daraawiishta Puntland.

Saraakiisha sar sare ee kooxda Daacish ayaa la rumeysan yahay inay ku dhuumaaleysanayaan toga Miiraale.

Wali Maamulka Puntland wax faah-faahin ah kama bixin hadii ay jiraan khasaare weyn oo daacish lagu gaarsiiyay duqeymaha  maanta Mareykanku la eegtay daacish-ta Somalia.

XAFIISKA WARARKA
DAYNIILE.COM

CEEL-DHEER (DAYNIILE.COM)-Jenaraal Gacma Dulle oo ka mid ah saraakiisha sar sare ee ciidamada Milatariga Dowlada Somalia ayaa kaga dhawaaqay Gobolka Gal-gaduud barnaamij u eg kii Dowladii kacaanku dadku ugu qafaali jirtay dagaalkii 1977-kii ee Itoobiya lala galay.

Jenaraalka oo ku sugan Magaalada Ceel-dheer ayaa si cad u sheegay intuu sedex walaahiyood ku dhaartay inay dadka deegaanka xoog ku gelin doonan dagaalka hadii aysan iyagu iskood qoryahooda usoo qaadan.

“walaahi Bilaahi Talaahi inaan la iska yeeleyn in Alshabaabna xoolo iyo qoryo la isugu daro inaad Dowladana ka diidaan dagaalka ee qof kasta ha ogaato in meesha joogo aan ugu imaaneyno dagaalkana uu galaayo hadhow la iima sheegin ha dhihina”ayuu yiri Gen Gacma-dulle

hadaba faah-faahinta warka Jenaraalka kaga boqo muuqaalkaani hoose:-

XAFIISKA WARARKA
DAYNIILE.COM

MANDALAY (DAYNIILE.COM)-Dhimashada dhulgariirkii weynaa ee ku dhuftay Myanmar iyo Thailand ayaa dhaaftay 1,000 qof, iyadoo samatabbixiyeyaashu ay qodeen burburka dhismooyin soo dumay iyagoo baadi goobaya dad badbaaday.

Ugu yaraan 1,002 qof ayaa ku dhintay ku dhawaad ​​2,376 qofna waa ay ku dhaawacmeen gobolka Mandalay ee Dalka Myanmar – oo ah magaalada labaad ee ugu weyn dalka Myanmar, kuna dhow xudunta dhulgariirka – dowladda militariga ee dalkaasi ayaa bayaan ay soo saartay sidaas ku sheegtay Sabtida maanta.

“Waxay u ahayd habeen aad u qurux badan dad badan Waxay doorteen inay seexdaan bannaanka, waxaan ku aragnay iyaga oo jardiinooyin dhigaya joodariyaal bannaanka guryahooda,” ayuu yri Tony Cheng oo ka tirsan Al Jazeera

“Weli waxaa jiray dhulgariir ka dib, dhowr waxaan dareemeynay saaka, ma aysan ahayn kuwa aad u weyn, laakiin waxay ku filan yihiin inay dadka dareensiiyaan raaxo la’aan ku noqoshada dhismayaal la dhisay,” ayuu raaciyay.

Caasimadda Thailand ee Bangkok – oo ku taal 1,000km (620 mayl) xudunta u ah Myanmar – ilaa 10 kale ayaa la xaqiijiyay.

Hawlgallada baadi goobka iyo samatabbixinta ayaa hadda ka socda goobihii ay dhibaatadu ka dhacday sida  ay militariga Myanmar  sheegeen

XAFIISKA WARARKA
DAYNIILE.COM.