AADAN YABAAL (DAYNIILE.COM)-Gurmad xoog leh oo isugu jira naf iyo maal ayay Beesha Xawaadle soo gaarsiisay walaalahood Abgaal gaar ahaan shacabka ku dhaqan Degmada Aadan Yabaal waxaana hogaaminayay Madaxweyne xigeenka Hirshabelle Yuusuf Axmed Hagar dabageed.

Madaxweyne xigeenka wafdiga uu hogaaminayay waxay Aadan Yabaal soo gaarsiiyeen ciidamo diyaar u ah inay naftooda u huraan ka difaacida Alshabaab ee Gobolka Shabeelaha dhexe.

Sidoo kale wafdiga waxaa la socday Gabdhaha Xawaadle ee reer Baladweyne kuwaasoo iska soo ururshay gurmad raashin,biyo iyo xoolo nool sida geel iyagoo ku wareejiyay saraakiisha hogaamineysa ciidamada Dowlada iyo macawisleyda ku sugan Degmada Aadan Yabaal oo 5 maalin ka horna uu booqday Madaxweyne Xassan.

Hadalo kooban oo ay masuuliyiinta iyo shacabka Xawaadle ka jeediyeen Degmada Adan Yabaal waxay cadeeyeen inay walaalahood u soo gurmadeen naf iyo maalna diyaar ula yihiin si Alshabaab ay isaga wada difaacaan.

Madaxweyne xigeenka Hirshabelle Yuusuf Axmed Hagar dabageed wuxuu ku baaqay in dhamaan reer Hirshabelle iyo Somali oo dhan ay u midoobaan la dagaalanka Alshabaab.

Mid ka mida gabdhaha xawaadle ee gurmadka xoolaha iyo raashinka wax ka waday ayaa hadalo kooban oo qiira leh ka jeediyay aargada Aadan Yabaal iyadoo xustay inay safar dheer laa baladweyne usoo gashay caawinta walaalahooda Shabeelaha dhexe.

“ilaa iyo baladweyne ayaan safar usoo galnay intaasna waxaan u maleynaa waxaan ku soconay dhiig ragggeed, wadada aan soo marnay boqolaal wiil oo cad cad ayaa god u gashay inaan si nabad  ku soo marno”

XAFIISKA WARARKA
DAYNIILE.COM

Muqdisho, Jimco, 21 Maarso 2025: — Ra’iisul Wasaaraha Xukuumadda Jahmuuriyadda Federaalka Soomaaliya, Mudane Xamsa Cabdi Barre, ayaa maanta shir-guddoomiyey kulan deg-deg oo looga hadlayo amniga caasimadda iyo deegaannada ku xeeran iyo howlgallada lagu ciribtirayo kooxaha Khawaarijta.

Ra’iisul Wasaaraha, ayaa sheegay in Xukuumaddisu ay u guuri doonto furrimaha dagaalka lagu ciribtirayo kooxaha Khawaarijta ah ee ku dhuumaaleysanaya qeybo kamid ah gobollada dalka.

Ra’iisul Wasaaraha, ayaa sheegay in dadka Soomaaliyeed heystaan fursad muhiim ah oo waqti kooban lagu soo afjari doono kooxaha Khawaarijta ah, maadama ay ku jiraan marxalad dhammaad ah, lana doonayo in shacabka Soomaaliyeed gamcaha isu qabsadaan sidii ay qeyb uga noqon lahaayeen ilaalinta amnigooda iyo xasilloonida dalka, isaga oo faray hey’adaha amniga in ay sii xoojiyaan xaqiijinta amniga caasimadda.

Kulanka ayaa sidoo kale lagu bogaadiyey howlgallada socda ee ciidamada xoogga dalka iyo kuwa deegaanku ay ku ciribtirayaan kooxaha baneystay dhiigga shacabka Soomaaliyeed ee laga sifeyn doono guud ahaan dalka.

WAAJID (DAYNIILE.COM)-Mid ka mida Muuqaal duubayaasha kooxda Alshabaab oo ahaa nin yar ayaa lagu qabtay dagaal ka dhacay Magaalada Waajid ee Gobolka Bakool kadib weerar ay soo qaadeen kooxa.

Ciidamada Dowlada Somalia ayaa jilbaha u aastay inay iska difaacaan weerarka kaga yimid Alshabaab kuwaasoo qorshe weyn ka lahaa weerarka madaama ay soo wateen muuqaal duube balse ciidamada ayaa ka fashaliyay.

Ciidamada ayaa gacanta ku dhigay wiil yar oo muuqaal duube u ahaa kooxda Alshabaab isaga iyo qalabkiisii uu isticmaalayay,wuxuu ku jiraa gacanta ciidamada Dowlada gaar ahaan kuwa xooggga Guutada 9-aad qeybta 60-aad.

Warbaahinta ayaa loo soo bandhigay Camira-man-ka Alshabaab iyo qalabkii dagaalka looga furtay intaba.

Dhanka kale Cidamada amaanka Waajid waxay fashiliyeen qaraxyo miino oo alshabaab ku aaseen dhowr goobood sida nawaaxiga garoonka diyaaradaga Degmada Waajid.

XAFIISKA WARARKA
DAYNIILE.COM

GAZA (DAYNIILE.COM)-Milatariga Israel ayaa sheegay in duulaanka dhulka ee koonfurta Gaza ee Rafah uu socdo, ciidamaduna ay ku sii qulqulayaan waqooyiga meel u dhow magaalada Beit Lahiya iyo bartamaha magaalada.

Ugu yaraan 200 oo carruur ah ayaa la dilay tan iyo markii Israa’iil ay dib u billowday dagaalka ay ku hayso deegaannada go’doonsan ee Falastiin toddobaadkan, sida ay sheegtay UNICEF.

In ka badan 590 falastiiniyiin ah ayaa lagu dilay weerarrada tan iyo markii Israa’iil ay jebisay xabad-joojinta Gaza Talaadadii, mas’uuliyiinta caafimaadka ayaa sheegay, waxaana sii kordhaya tirada dhimashadu iyadoo weerarada cirka iyo weerarada dhulka ee Israa’iil ay sii kordhayaan.

Sidoo kale Wasiirka difaaca Israel Katz ayaa sheegay in Israa’iil ay qabsan doonto dhulka Gaza ilaa Xamaas ay ogolaato in ay sii deyso dhammaan maxaabiista weli ku xiran Marinka.

“Mar kasta oo Xamaas ay ku sii adkaysato diidmadeeda ah in ay sii deyso la haystayaasha, waa inta dhul badan oo ay lumin doonto, kaas oo lagu dari doono Israa’iil,” ayuu yiri wasiir Katz sida  laga soo xigtay The Jerusalem Post.

Wasaaradda caafimaadka ee Gaza ayaa sheegtay in ugu yaraan 49,617 falastiiniyiin ah la xaqiijiyay in ay dhinteen 112,950 kalena ay ku dhaawacmeen dagaalka Israa’iil ee Gaza.

Xafiiska warbaahinta ee dawladda Gaza ayaa cusboonaysiiyay dhimashadeeda in ka badan 61,700, isaga oo sheegay in kumanaan Falastiiniyiin ah oo lagu la’yahay burburka hoostiisa loo malaynayo inay dhinteen.

Ugu yaraan 1,139 qof ayaa lagu dilay Israa’iil intii lagu guda jiray weerarradii ay Xamaas hoggaaminaysay Oktoobar 7, 2023, in ka badan 200 oo qofna waa la qafaashay.

SOURCE
XAFIISKA WARARKA
DAYNIILE.COM

QARTUM (DAYNIILE.COM)-Wararka ugu dambeeya ee laga helaayo dagaalada ka socda Dalka Sudan iyo guulaha isdaba jooga ah ee Dowalda Sugan gaaryso ayaa sheegayo in ciidamada qaranka Sudan inay gacana ku dhigeen xarunta madaxtooyada ee dalkaasi looga taliyo.

Af-hayeenka ciidanka Dowlada Sudan, Nabil Cabdallah ayaa TV-ga dowladda ka sheegay inay dib ula wareegeen xarunta Madaxtooyada iyo waliba iyo dhismayaasha wasaaradaha.

Ciidamada RSF ee Dowlada Sudan ka soo horjeeda ayaa in mudo ahba maamuleysay Madaxtooyada Sudan tan iyo markii ay bilowdeen dagaalada dalkaasi balse ugu dambeyn gacantooda waa laga fara-maroojiyay waxaana muuqata in Dowlada Sudan ay mar dhaw dalka oo dhan ka saareyo kooxda RSF.

Xarunta madaxtooyada ayaa ku taal bartamaha caasimada Sudan ee Khartoum halkaasoo goob dagaal iska noqotay tan markii dagaalada dalkaasi bilowdeen.

XAFIISKA WARARKA
DAYNIILE.COM