Waxaa isbadal xooggan laga dareemayaa awooda ciidaamada cirka ee Dowlada Somalia oo soo kabanaya madaama aysan wax shaqo qaban mudo ka badan 30 sanadood.

Madaxweynaha Somalia Xassan Sheekh ayaa ku guuleystay inuu dib u soo nooleeyo awooda ciidamada cirka ee Dalka kadib markii uu qalabeeyay ciidamada cirka waxaana bilahaan danbe laga dareemayaa furimaha dagaalka xili ay wacdaro ka dhigayaan.

Muuqaal laga soo duubay Ciidamada Cirka Somalia ayaa muujinaya mid ka mida diyaaradaha qumaatiga u kaca ee Somalia oo  hawada ka duqeynaya ama ka rasaaseynaya Alshabaab xili ciidamadii dhulka laftoodu daawanayaan.

Talaabada dib u soo noleynta ciidamad Cirka Somalia waxay niyada u dhiseysaa ciidamada dhulka ee dalka kuwaasoo mooral ahaan sidii hore ka fiicanaan kara markey arkaan in markii culeys ay dareemaan ay wacan karaan diyaaradaga dagaalka.

XAFIISKA WARARKA
DAYNIILE.COM

MUQDISHO (DAYNIILE.COM)-Madaxweynaha Soomaaliya Xassan Sheekh Maxamuud ayaa goor dhaw oo maanta ah dib ugu laabtay furimaha dagaalka ee Gobolka shabeelaha dhexe halkaasoo shalay uu ka soo laabtay si uu ula kulmo wafdi ka socday dalka Imaaraadka Carabta.

Madaxweyne Xassan waxaa soo dhaweeyay Cali Guudlaawe oo ah madaxweynaha Hirshabelle xili lagu galbinayay diyaaradaha dagaalka ee ciidamada cirka dalkeena Somalia.

Gobolka Hiiraan ayuu Madaxweynuhu u sii talaabi doonaa halkaasoo lagu wado inuu ka hago dagaalka ka dhanka ah kooxda Alshabaab.

Maalin ka hor ayay ahayd markii qarax uu ka bad baaday madaxweynuhu kaasoo lagu weeraray kolanyadii la socotay markii uu aadayay furimaha dagaalka.

XAFIISKA WARARKA
DAYNIILE.COM

Ciidanka Hay’adda Sirdoonka iyo Nabadsugidda Qaranka ee (NISA) oo gacanta kusoo dhigay dhagar-qabeyaal doonayay in ay qaraxyo soo galiyaan magaalada Muqdisho.

BOOSAASO (DAYNIILE.COM)-Maamulka Puntland ayaa eedeysay Dowlada Somalia inay si qarsoodi ah ciidamo uga qoraneyso Magaalooyinkooda gaar ahaan Magaalada Boosaaso oo ah xarunta agobolka .

Puntland waxay xustay in ujeedka ciidamadaani ay tahay inay ka qeybgaliso dagaalada ka aloosan koofurta Somalia.

Sidoo kale Maamulka Puntland waxay sheegeejn inay qabteen 8 dhalinyaro ah oo laga saarayay Boosaaso, kuwaas oo la geynayay Muqdisho.

Dhanka Dowlada wali wax war ah kama soo saain sheegashada dhanka maamulka puntland.

XAFIISKA WARARKA
DAYNIILE.COM

SABIIB (DAYNIILE.COM)-Waxaa faah-faahino laga helayaa weerar qaraxyo ku bilowday oo kooxda Alshabaab saaka aroortii hore ku qaadeen deegaanka Sabiib oo ku dhaw Magaalada Afgoye ee Gobolka Shabeelaha hoose gaar ahaan xero ciidamada Dowladu halkaasi ku leeyihiin.

Dagaalamayaasha Alshabaab ayaa qaraxyada kadib weerar fool-ka fool ah ku qaaday xerada ciidamada Sabiib ee ciidamada Dowlada halkaasoo uu labada dhinac ku dhex-maray dagaal xoogan.

Ciidamada Milateriga Somalia gaar ahaan kumaandooska Gor-gor oo halkaasi ku sugnaa ayaa la soo sheegayaa inay jilibka u aasteen weerarka kaga yimid kooxda Alshabaab iyadoo gurmadyana ay heleen markii danbe.

Kumaandooska Gor-Gor ayaa si adag uga hor tagay kooxda Alshabaab iyagoona ugu dambeyn dib isaga riixay Alshabaab iskuna fidiyay deegaanka Sabiib.

Dhanka kale qarax miino oo dhimasho sababay ayaa lala eegtay isla saaka aroortii gaari dagaal oo uu watay sarkaal sare oo ciidamada Gor-Gor ka tirsan kaasoo gurmad ahaan ugu socday deegaanka Sabiib ee dagaalku ka socday .

Qaraxa waxaa ku dhintay sida wararka qaar sheegayaan ilaa sedex askari oo uu ku jiro saraalka lagu magacaabo jareere oo ahaa abaan-duuliyaha  guutada 14ka Oktobar inakastoo aan wali la xaqiijin dhimashada sarkaalkaasi, balse kooxda Alshabaab ayaa sheegteen inay qaraxa ku dileen sarkaalkaani.

Sarkaalka iyo ciidamada uu watay waxay miinada kula kacday deegaanka Aala-yaasir ee NO50.

XAFIISKA WARARKA
DAYNIILE.COM

Weerar cir iyo dhul ah ayay ciidamada Dowlada Somalia iyo kuwa deegaanka waxay xalay ku ekeeyeen meelaha ay kooxda Alshabaab ka sugan yihiin Gobolka Shabeelaha dhexe oo maalmihii ugu dambeeyay ay dagaalo culusi ka socdeen.

Wararka aan heleyno ayaa sheegaya in weeraradaani Alshabaab looga qaaday dhowr jiho xili diyaaradaha dagaalkana ay kow ka caawinayaan ciidamada Dowalada.

ma jirto faah faahin dheeraad ah oo aan ka helnay khasaaraha ka dhashay dagaalkaani xalay saqdii dhexe ay Dowladu ku qaaday Alshabaab iyo waliba hadii ay jiraan deegaano Dowladu kula wareegtay.

Bilihii ugu dambeeyay Dagaalamayaasha Alshabaab ayaa maleeshiyaad badan soo geliyeen Gobolka Shabeelaha dhexe iyagoo deegaano dhowr ah qabsaday walow inta badan dib looga saaray markii ciidamo badan ay xamar gobolada kale ka soo gurmadeen.

Wixii faah faahin laga helo howlgalka xalay wararkeena dambe ayaad kaga bogan doontaan insha Allaah.

XAFIISKA WARARKA
DAYNIILE.COM

Sida lagu shaaciyay warbaahinta Dowlada Somalia Kulan looga hadlayey dardargelinta howlaha baarista iyo horgeynta cadaaladda dacwadaha la xiriira canshuuraha iyo dhaqaalaha ayaa ka qabsoomay Taliska laanta dhexe ee ilaalinta canshuuraha iyo dhaqaalaha ee Ciidanka Booliska Soomaaliyeed.

Saraakiishaan ayaa isla meel dhigay in wada shaqeynta la xoojiyo, si loo dardargeliyo maxkamadaynta shakhsiyaadka caadaystay in aysan sida sharciga waaqafsan u bixin canshuuraha ku waajibay.