XIGASHO LAACIB.NET
Tababaraha kooxda Manchester City, Pep Guardiola, ayaa muujiyay dareen naxariis leh ka dib markii shalay shaqada laga ceyriyay Ruben Amorim, isagoo ku sifeeyay saaxiibkiisii ay deriska ahaayeen inuu yahay “tababare heer sarre ah” (top manager).
Guardiola ayaa difaacay Amorim isagoo tilmaamay in Manchester United ay dhibco muhiim ah ku lumisay kulamo ay awoodi kartay inay guuleysato, kuwaas oo haddii ay heli lahaayeen ka dhigi lahaa kuwo u dhow Arsenal oo hadda horyaalka hoggaaminaysa.
Wuxuu xusay saddex barbardhac oo ay United garoonkeeda Old Trafford kula gashay kooxaha Everton, Bournemouth, iyo Wolves inay ahaayeen kuwo saameyn weyn ku yeeshay masiirka Amorim.
Sidoo kale, Pep ayaa carrabka ku adkeeyay in Manchester United ay hadda wajaheyso dhibaatooyin dhaawac iyo maqnaanshaha ciyaartoydii u ambabaxay tartanka AFCON, taas oo la mid ah dhibaatada uu isagu hadda ku qabo Manchester City.
XIGASHO LAACIB.NET
