Puntland ayaa ka carootay War-saxaafadeed kasoo baxay Midowga Musharaxiinta ee lagu cambaareeyey dadkii maamulka Somaliland uu kasoo masaafuriyay Magaalada Laascaanood.

Wasiiru dowlaha Caddaaladda Puntland, Ilyaas Cabdi Dinix ayaa wax laga xumaado ku tilmaamay in War-saxaafadeedka Musharaxiinta aan lagu xusin soo dhaweynta Puntland ay u sameysay dadkii ay Somaliland soo masaafurisay ee isugu jiray haween, Carruur, dhalinyaro iyo ad kale

“In Midowga Musharrixiintu xusi waayaan kana hadli waayaan wanaagga iyo masuuliyada Puntland iyo shacabkeedu ku qaabileen dadkii Somaliland ka soo raaftay gobolka Sool waa ayaan-daro, malaha qoladan waxaaba dhiba waxqabadka Puntland iyo iney tahay guri lagu soo dhaweeyo qofkasta oo Soomaali ah” ayuu yiri Wasiir Dinix.

War-saxaafadeed kasoo baxay Midowga Musharaxiinta ayaa lagu sheegay inay aad xun yihiin dadka laga soo masaafuriyey Somaliland, iyagoo falkaas ku tilmaamay mid xadgudub ah oo lagula kacay dad Soomaaliyeed, iyagoo ugu baaqay maamulka Somaliland ugu baaqay iney joojiyaan falalkaas.

LEAVE A REPLY

Please enter your comment!
Please enter your name here