Golaha amaanka ee Qaramada Midoobay ayaa shalay oo jimco ah kulan gaar ah ka yeeshay xaalada siyaasadeed ee ka taagan Soomaaliya gaar ahaan khilaafka hareeyay doorashada waqtigeeda ka dib dhacday.

Kulanka ay yeesheen golaha amaanka ayaa loogu baaqay Hogaamiyaasha Soomaalida in ay heshiis ka gaaraan khilaafka hareeyay doorashada lana qabto doorasho aan mar kale kadib dhicin xiligeeda.

Golaha amaanka ee Qaramada Midoobay ayaana ugu baaqay dhinacyada Soomaalida ee isku haya doorashada in xal ka gaaraan khilaafka kana shaqeeyaan in si deg deg ah doorashada loo qabto.

Dhinaca kale golaha amaanka ayaa waqtiga ay kasii howlgalayaan gudaha Soomaaliya u kordhiyay ciidamada nabad ilaalinta u jooga ee ka socda Wadamada Afrika qaarkood ee AMISOM.

Doorashada Soomaaliya ayaa waxaa hareeyay khilaaf sababay in dib u dhacdo, waxaana wali heshiis laga gaarin khilaafka taagan iyadoona la filayo in dhawaan shir looga hadlayo doorashada yeeshaan Madaxda DF iyo kuwa dowlad goboleedyada.

LEAVE A REPLY

Please enter your comment!
Please enter your name here