Qaramada Midoobay ayaa cambaareeyay weerarkii shalay Al-shabaab ku qaadday Saldhiga Ciidamada Midowga Midowga Afrika ee Degaanka Ceel Baraf oo ka tirsan Gobolka Shabeellada dhexe.

“Qaramada Midoobay waxa ay cambaareyneysaa weerarkii shalay Al-Shabaab ay ku qaadeen saldhigga Hawlgalka Kalaguurka Midowga Afrika ee Soomaaliya (ATMIS) ee ciidamada nabad ilaalinta Burundi” ayaa lagu yiri Qoraal ka soo baxay Qaramada Midoobay.

Qaramada Midoobay waxay tacsi u dirtay dadkii ku dhintay weerarkaas waxayna caafimaad deg deg ah u rajaysay kuwii ku dhaawacmay.

“Qaramada Midoobay ayaa tacsi u dirtay dadkii ku dhintay weerarkaa, waxayna u rajeyneysaa caafimaad degdeg ah kuwa dhaawacmay”

Sidoo kale waxay sheegtay in ay garab taagan yihiin Hawlgalka Nabad Ilaalinta ATMIS iyo ciidmada dowladda Federaalka Soomaaliya si loo hagaajiyo Amniga dalka.

“Waxay si adag u garab taagan tahay ATMIS iyo ciidamada ammaanka Soomaaliya dadaallada ay ku hagaajinayaan amniga Soomaaliya” ayuu sii raaciyay Qoraalka.

LEAVE A REPLY

Please enter your comment!
Please enter your name here