CEELDHEER (DAYNIILE.COM)-Wararka laga helaayo Magaalada Ceel-dheer ee bariga Gobolka Galgaduud ayaa sheegaya in qarax miino uu ka dhacay deegaanka Sarta-magan oo Maagalada ku dhaw kaasoo lala eegtay gaari ay ku safrayeen dad shacab ahaa.
Sida Wararku tilmaamayaan qaraxaan waxaa ku dhintay 8 ruux oo uu ku jiro darawalkii gaariga kaxeynayay,waxaana la tuhunsan yahay in Alshabaab ay ka danbeeyaan qaraxaasi xasuuqa sababay.
Sidoo kale dadkii ku dhaawacmay isla qaraxaani islamaraana gaariga wax ka saarnaa ayaa iyagana loo soo qaaday Isbitaalada Magaalada Muqdisho.
Gaariga masiibada ay qabsatay wuxuu ku sii jeeday Magaalada Ceel-dheer balse isagoo ku dhaw ayaa qaraxa lala helay rabi ha u naxariistee dadkii ku geeriyooday.
XAFIISKA WARARKA SIYAASADA
DAYNIILE.COM
