Waxaa goordhaw qarax nuuca miinada dhulka lagu aaso uu ka dhacay agagaarka Isgooska Beexaani ee degmada Shibis ee Gobolka Banaadir, waxaana qaraxan lagu soo waramayaa in uu ka dhashay khasaaro isugu jira dhimasho iyo dhaawac.

Qaraxa ayaa la sheegay in lala eegtay gaari ay la socdeeen ciidamo katirsan dowlada Soomaaliya, waxaana wararka qaar sheegayaan in uu gaarigaasi lahaa Siyaasiga Muxudiin Xasan Afrax oo maalmo kahor sidan oo kale qarax uga bad baaday.

Goobjoogayaal ayaa ku waramay in qaraxa dhimasho iyo dhaawac uu kasoo gaaray qaar kamid ah askartii la socotay gaariga qaraxa lala eegtay , lamana oga masuulka gaariga lahaa in uu la socday iyo in kale.

Ciidamo katirsan booliiska Soomaaliya ayaa si deg deg ah u gaaray goobta uu ka dhacay qaraxa miino, waxa ayna booliiska halkaasi ka sameeyeen howlgalo baaritaano ah oon la ogeyn natiijada kasoo baxday.

Qaraxyada miino ee ka dhacaya magaalada Muqdisho ayaa mudooyinkan noqday kuwa sii badanaya, waxaana inta badan qaraxyadan lala eegtaa gaadiidka ay la socdaan masuuliyiinta iyo ciidamada.

LEAVE A REPLY

Please enter your comment!
Please enter your name here