Dowlada Faderaalka Soomaaliya iyo Hay’ada Qaramada Midoobe ayaa isla gartay in qiimeyn lagu sameeyo saamayntii ka dhalatay roobabka El-nino ee dhammaadkii sanadkii tagay.
Go’aankaan waxaa looga dhawaaqay kulan ay Maanta yeesheen Gudoomiyaha Hay’ada Maareynta Masiibooyinka Soomaaliya Maxamuud Macalin Cabdulle iyo masuuliyiin ka tirsan Qaramada Midoobe oo uu hogaaminayay ergayga gaarka ah ee Soomaaliya u qaablisan Qaramada Midoobay ahna madaxa isku duwidda xafiiska arrimaha bini’aadinnimo.
Sidoo kale waxa shirka goob-joog ka ahaa madax ka socotay Wasaaradda Qorsheynta iyo Horumarinta Maalgashiga Xukuumada Somalia iyo Hay’ado caalami ah sida Bangiga aduunka iyo Midowga Yurub.
Shirka Maanta waxaa sidoo kale ay labada dhinac isku afgarteen in ku dhawaad 75 qof loo tababari doono diyaarinta iyo soo bandhigidda saamaynta ka dhalatay xaaladda El-nino.
XAFIISKA WARARKA
DAYNIILE.COM
DAYNIILE.COM